SAN CARLOS LGU PLANO MAGDEKLARAR SANG STATE OF CALAMITY BANGUD SA EL NIÑO

Share on facebook
Share on pinterest
Share on twitter
Share on print

Plano sang lokal nga panguluhan sang San Carlos City, Negros Occidental nga magdeklarar sang state of calamity, bangud sa kahalitan sang el niño phenomenon.

Sa interview sang Aksyon Radyo Bacolod, ginpahayag ni San Carlos City Disaster Risk Reduction Management Office (DRRMO) Head Joe Recalex Alingasa, ginrekomendar na ang pagdeklarar sang state of calamity, sa special meeting nga ginpamunuan ni DRRM Council head Mayor Renato Gustilo.

Dugang pa ni Alingasa, igasumiter na lamang ang rekomendasyon sa Sanguniang Panlungsod agud talakayon sa regular nga sesyon.

Ang San Enrique amo ang una nga local government unit sa Negros Occidental nga nagdeklarar sang state of calamity, kag ginsundan sang syudad sang Kabankalan.

What’s your Reaction?
+1
0
+1
0
+1
0
+1
0
+1
0
+1
0
+1
0

ISTRAKTURA PARA SA DEAF-MUTE COMMUNITY SA BACOLOD PLAZA, GINAPAKAKAS

Ginmando ni Mayor Albee Benitez ang pagkakas sa estraktura nga ginpahamtang sa isa ka waiting shed sa plaza publika sang Bacolod, sa kilid sang dalan San Juan.

Suno kay City Legal Officer Atty. Romeo Carlos Ting Jr., ginpangabay na sang alkalde ang Department of Social Services and Development (DSSD) kag General Services Office (GSO) nga pangitaan sang lugar nga masayluhan ang mga miyembro sang Deaf-Mute Community of Bacolod nga amo ang naghangyo sa syudad nga mausar ang waiting shed bilang learning center.

Dugang pa ni Ting, nagligad pa nga tuig sang nagpangabay ang grupo sa syudad apang wala lamang mamonitor sang maayo nga nagpatukod na ang mga ini sang estraktura.

Suno kay Ting, wala na ginatugutan ang anu man nga estraktura sa plaza, bangud ini ang ginaplanuhan nga ipaidalom sa major renovation. | Dolly Yasa Photo/FB

What’s your Reaction?
+1
2
+1
0
+1
0
+1
0
+1
0
+1
0
+1
0

DUGANG NGA 17 KA NEGOSYO SA BACOLOD, GINPASIRA

17 ka dugang nga establisemento sa syudad sang Bacolod ang ginpasirad-an sang syudad umpisa Mayo 1 tutub 15, 2024 bangud sa pag-operar nga wala sang business permit.

Suno kay City Legal Officer Atty. Romeo Carlos Ting, Jr. una nga gin-isyuhan sang ikaduha nga notices ang tag-iya sang mga business establishments agud magproseso sang ila permits apang wala magtuman, kabangdanan nga gin-implementar sang CLO-Enforcement Team ang closure order.

Dugang pa ni Ting, kalabanan nga mga ginpasirad-an amo ang mga karenderya sa nagkalain-lain nga barangay sa syudad.

Gina-implementar sang syudad ang closure order basi sa Revised Revenue Code sang syudad sang Bacolod kag sa rekomendasyon sang Permits and License Division Office (BPLO).

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.