MENU

SENIOR CITIZEN NGA NAGATABOK SA DALAN NABUNGGUAN SANG JEEP, PATAY

  • at 8:07 pm
Share on facebook
Share on pinterest
Share on twitter
Share on print

Patay ang senior citizen matapos mabunggoan sang depasahero nga salakyan sa dalan Lacson atubangan sang Yamaha Motors Sto. Rosario Barangay Bata syudad sang Bacolod sadtong Domingo sang kaagahon, Mayo 5.

Ang biktima ginkilala kay Fred Gamboa, 71 anyos pumuloyo sang Purok Bagong Unlad Brgy. 13 syudad sang Bacolod.

Ang driver sang depasahero nga jeep nga may rota Handumanan-Libertad nga si Ronald Ortega, 50 anyos pumuloyo sang Phase 6B Purok Rosebell, Barangay Handumanan syudad sang Bacolod ang boluntaryo nagsungka sa kapulisan.

Suno kay Police Capt. Rondyll Tapang, hepe sang Police Station 3, wala makita ni Ortega ang pagtabok sa dalan ni Gamboa rason nga iya ini nabunggoan nga nagresulta sang iya kamatayon.

What’s your Reaction?
+1
0
+1
0
+1
0
+1
0
+1
0
+1
0
+1
0

MAYOR ALBEE NAGTANYAG NGA SAYLUHON ANG JAIL FACILITY SA SINGCANG-AIRPORT SA BARANGAY GRANADA

May 19, 2024

Nagtanyag si Mayor Albee Benitez nga sayluhon ang BJMP Male Dormitory sa Barangay Singcang Airport pakadto sa propedad nga nabakal sang LGU sa Barangay Granada.

Ini matapos ang supresa nga pagbisita sang Alkalde sa amo nga jail facilitiy para lantawon ang sitwason sang mga person deprived of liberty (PDL).

Ginakasubo sang alkalde ang kondisyon sang mga PDL sa jail facility nga naglambot na sa 700 nga dapat yara lamang sa 300 ang kapasidad sini.

Magluwas sini, apektado man ang mga PDL sa mainit nga panahon.

Ginpalambot sa Alkalde nga ang gamay nga pasilidad ang ginapanagiyahan sang BCPO rason nga nagapangabay nga masaylo sa mas madako nga lugar.

Sa ginpagwa nga statement, ginpahayag ni Benitez, nga tawo ang mga PDLs kag nagakaangay lamang sang husto nga pag tratar sa ila kag nagapabilin nga mga inosente tubtob nga may yara na sang desisyon sa ila nga kaso.

Bangud sini, nagtanyag si Benitez sang isa ka hektariya nga propedad sa Barangay Granada para sa pagatukuton nga jail facility.

Kaupod ni Benitez sa surprised visit amo sanday Kapitan Atty. Caesar Distrito nga naga serbe nga spokesman sang alkalde kaupod si anay konsehal Homer Bais.

What’s your Reaction?
+1
0
+1
0
+1
0
+1
0
+1
0
+1
0
+1
0

ISA PATAY SA AKSIDENTE SA HIMAMAYLAN

May 19, 2024

Patay ang driver sang motorsiklo matapos mabunggu-an sang canter sa Barangay Aguisan, syudad sang Himamaylan, hapon sang Sabado, Mayo 18.

Ginkilala ang biktima nga si Jonathan Macayaran , 48-anyos, kag residente sang Barangay Talaban Himamaylan City.

Suno kay Police Captain Anthony Saing, deputy chief of Police sang Himamaylan City Police Station, nag-overtake si Macayaran sa iya ginasundan nga traysikol nga ginamaneho ni Alrian Mitz Pillone, 27-anyos sang Brgy. Palayog Hinigaran.

Samtang, nagasugata naman sa piyak nga lane ang canter.

Base sa imbestigasyon toyu pa ni Macayaran nga makabalik sa linya apang nabungguan sini ang steering wheel nga parte sang tricycle.

Bangud sa impact, nagbalang-balang ang motorsiklo ni Macayaran sa pihak nga direksyon rason nga nabunggu-an ini sang canter nga nagasugata.

Nakaangkon sang severe head injury ang biktima samtang pilason naman sa tiil ang driver ka traysikol nga si Pillone.

Si Macayaran kag Pillone ang ginhingagaw pa dala sa ospital apang gindeklarar nga dead on arrival si Macayaran.

Samtang, gina-usisa pa sa karon sang kapulisan kon ano ang plate number sang canter kag kon sin-o ang driver bangud ini ang nagpalagyo matapos ang insidente.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.