Pilas sa liog ang naangkon sang isa ka soltero sang ini ang labu-on sa Purok 3, Barangay Linaon, Banwa sang Cauayan, Negros Occidental.
Ang biktima ginkilala kay Michael Penonal, 29 anyos, samtang ang suspetsado ginkilala naman kay Armanso Ortanesa, 42 anyos may asawa tanan nagapuyo sa amo man nga Barangay.
Sa pagpangusisa sang Cauayan PNP, sanday Penonal kag Ortanesa ang upod man lang sang inom sang makahulobog nga ilimnon kag naglalisay.
Nagpuli si Ortanesa kag nagkuha sang binangon kag pagbalik sini gilayon ginlabo ang biktima.
Nadakpan sang Barangay Kagawad ang suspetsado kag ginturn-over sa otoridad. | Aksyon Bryan Morden