Naga-antos subong sa hospital ang isa ka tapasero matapos ginluthang sang iya tiyo sa Purok Santol, Barangay Camandag, Banwa sang La Castellana, Negros Occidental.
Ang biktima ginkilala kay Ronald Obrique, 32 anyos, soltero, nagapuyo sa lugar sang insidente, samtang ang suspetsado ginkilala naman kay Petrolino Obrique, 61 anyos may asawa kag residente sa Hacienda Jamandre-Igpanolong, Barangay Robles sa amo man nga banwa.
Suno kay PCapt Rjohn Darell Nigos, hepe sang La Castellana PNP, ang tiyo naglabay sa puloy-an sang hinablos nga naka-inom sang makahulobog nga ilimnon.
Una nga ginhangkat sang biktima ang suspetsado kag hinali lang ini nga ginlagas nga tiyo labu-on, apang nakadalagan pauli.
Nagbalik ang tiyo, bitbit ang armas luthang kag ginluthang ang hinablos igo sa nagakalain-lain nga bahin sang lawas.
Dugang ni Nigos, masami nga ginasaway sang tiyo ang hinablos bangud sa palahubog kag naga- eskandalo.
Handa naman magpa-areglo ang hinablos.
Ang suspetsado nagsungka sa otoridad.| Aksyon Bryan Morden