MENU

TATLO KA ANGULO GINA IMBESTIGAHAN SA PAGPATAY SA ANAY INTEL

  • at 8:40 pm
Share on facebook
Share on pinterest
Share on twitter
Share on print

May ginalantaw nga person of interest ang Police Station 4 sa pagtiro kay Restimer Senoro, 36 anyos pumuloyo sang Purok Villamar Barangay Estefania syudad sang Bacolod.

Si Senoro ang gintiro sang apat ka persona nga naka-helmet kag naka-mask Martes sang gab-i sa Hervias 3 Barangay Villamonte matapos magbisita sa iya grupo.

Suno kay Police Capt. Peter John Ramos, hepe sang Police Station 4, nagatipon sila sang mga ebidensya agod magpabakod sang motibo sa pagtiro kay Senoro.

Una diri nakabaton sang report si Ramos nga may ginlagas sang kotselyo nga persona si Senero antis natabo ang pagtiro sa iya.

May report man nga si Senoro ang inbolbado sa isa ka krimen sa syudad sang Talisay kag inbolbado man sa drug-trade.

Nakabaton man sang report si Ramos nga ginahimo nga asset ukon intel sang sang isa ka law enforcement agency si Senoro.

What’s your Reaction?
+1
0
+1
0
+1
0
+1
0
+1
0
+1
0
+1
0

SECURITY PLAN PARA SA INASAL FESTIVAL 2024, PLASTADO NA

May 21, 2024

Ginapasiguro ni BCPO City Operations Management Unit Chief Police Lt. Col. Lester Leada nga plastado na ang security plan para sa Chicken Inasal Festival nga maga-umpisa sa Mayo 24 tubtub Mayo 26, 2024.

Ginpahayag ni Leada, masobra 400 ka mga BCPO personnel ang iga-utilize sa nasambit nga festival magluwas pa sa augmentation halin sa Bacolod Traffic Authority Office (BTAO), POSO, Bureau of Fire Protection (BFP) kag nagkalain-lain nga force multiplier.

Ang tatlo ka mga festival sites amo ang sa Manokan Country, North Capitol Road kag Megaworld Upper East.

Suno kay Leada, sa ila experiencia sa nakaligad nga Chicken Inasal Festival, kalabanan nga na-record nga insidente amo ang mga nagakadula nga kabataan bangud nagakabuy-an sang ila nga ginikanan ukon kaupod sa paglagaw.

Nagpanugyan na man si Leada sa publiko nga magpabilin nga mabinantayon kun mag kadto sa mga festival sites kag i-secure ang ila mga kagamitan agud makalikaw nga mabiktima sang kawatan.

What’s your Reaction?
+1
0
+1
0
+1
0
+1
0
+1
0
+1
0
+1
0

BACKLOG CASES SA NBI BACOLOD, GINAPAUSISA SANG BAG-O NGA HEPE

May 21, 2024

Ginapa usisa ni NBI Bacolod Head Manuel Fayre Jr. ang backlog nga mga kaso sa ahensya.

Ini matapos ang pagpungko ni Fayre bilang bag-o nga pamuno sang NBI Bacolod umpisa Mayo 6, 2024.

Sa interview sang media, Martes, ginpahayag ni Fayre, nga padayunon lamang sini ang mandate sang ila opisina kaangay sang pagbaton sang mga reklamo.

Suno kay Fayre, gina pa check sini sa operatiba ang backlog nga mga kaso para ini ang ma dislog kag kon ano pa ang pwede nga trabahuon.

Ginklaro ni Fayre, ang NBI National na ang nag uyat sang kaso nga pag bilin sang chopped body parts sagwa sang opisina kag wala pa sang may nabaton nga update.

Ginpahayga ni Fayre nga wala sang pagbag-o sa ila nga personnel nga may lima ka agents lakip na dire siya.

Nagapangayo man sang pasaylo si Fayre sa mga nagapila para makakuha sang NBI Clearance bangud sa mainit nga panahon kag pangitaan sang paagi nga mapaayo ang kondisyon sa ila opisina.

Sa bahin sang illegal gambling, ginpahayag ni Fayre, on hold sa karon ang operasyon sa illegal gambling bangud aminado nga indi pa pamilyar sa lugar.

Natalana nga mag courtesy si Fayre sa mga opisyales sang Negros Occidental.

Si Fayre nga residente sang Tuguegarrao, Cagayan Valley ang sadto na assign sa Capiz kag NBI Anti-Terrorism Division antes ang iya assignment sa Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.