Ginduso ni Mayor Albee Benitez, chair sang Regional Development Council 6, kay Presidente Ferdinand Marcos Jr. ang tatlo ka prayoridad nga mga proyekto para sa rehiyon.
Ini sa damlag lang pagsinapol ni Benitez kaupod ang iban nga chair sang RDC sa iban nga rehiyon sa Malacañang nagligad nga Abril 30.
Sa interview sang media, Hwebes, ginpahayag ni Benitez, ini nga mga proyekto ang ginalakipan sang Bacolod Coastal Road, Regional Warehouse kag Boracay cruise ship hub.
Ang ginaduso nga coastal road ang nagabalor sang 10 bilyones pesos ang preparasyon para sa ginapaabot nga Panay-Guimaras-Negros Bridge.
Sa bahin sang Regional warehouse sang DSWD, ini ang ginaduso nga pagatukuron sa Cadiz City, Roxas City kag banwa sang Pototan sa tuyo nga mas madasig ang pag responder sa tion sang emerhensya.
Ginpalambot man sang Alkalde sa DPWH ang ginaduso nga floodgates nga may pumping stations sa lima ka dalagko nga kasubaan sa syudad.
Ginpahayag ni Benitez, ini nga mga proyekto ang ginkasugtan sang mga LGU sa Western Visayas.