Tatlo ang pilason lakip na ang isa ka suspetsado matapos naglab-anay las 11:45 sang gab-i Enero 5 sa Kilometrahi 111, Barangay Dancalan banwa sang Ilog.
Ginkilala ang mga biktima nga sanday Beltran Montaño, 56 anyos kag Pedro Gonzales, 41 anyos, tanan residente sang nasambit nga lugar samtang ang mga suspetsado amo naman sanday Herman kag Eduardo Tadoy.
Suno kay Major John Ganzon, hepe sang Ilog PNP, lunsay nga hubog ang mga suspetsado kag biktima.
Dugang pa, sa pagpangusisa sang kapulisan, naglabay sanday Tadoy sa ila ni Montaño kag Gonzales nga naga inom sang makahulubog nga ilimnon sang hinali nalang nga ginlabo ni Herman si Montaño gamit ang binangon igo sa nawala nga butkon kag kamot, na agaw ni Montaño ang binangon kag nagbalos labo kay Herman igo sa tuo nga bahin sang iya lawas, wala nga butkon, ilong kag tudlo.
Ginlabo man ni Eduardo ang iya pakaisa nga si Herman.
Sa karon padayon pa ginabulong sa hospital sanday Montaño kag Gonzales upod man ang isa ka suspetsado nga si Herman samtang priso karon sa custodial facility sang Ilog PNP si Eduardo.
Palayag ni Ganzon, posible indi na magpasaka kaso ang pamilya sang biktima. | Aksyon Eden Aboso
