MENU

TUBTOB ISA KA BULAN NGA SUSPENSYON GINATAN-AW KONTRA SA BTAO HEAD

  • at 6:39 pm
Share on facebook
Share on pinterest
Share on twitter
Share on print

Ginatan-aw ni Bacolod City Legal Officer Atty. Romeo Carlos Ting Jr. nga posible tubtob isa ka bulan nga suspensyon ang ipapanaug batuk kay BTAO Head Patrick Lacson.

Ini angut sa duha k mga bayolasyon nga nahimo ni Lacson nga pagdala sang salakyan sang LGU sa iya balay nga ginkakasan sang logo ka syudad kag ang pag isyu sang quota system sa mga traffic enforcer.

Sa press conference, Lunes, ginpahayag ni Ting, light offense ang bayolasyon ni Lacson ukon wala pagsunod sa mga procedure nga ginapatuman.

Ginapaabot ni Ting nga ila na masumiter ang rekomendasyon kay Mayor Albee Benitez para sa iya nga approval.

Ginpahayag naman ni Mayor Albee Benitez, nga warning lang kuntane ang ipapanaug kay Lacson apang duha ka notice to explain ang na isyu sa officer-in-charge sang BTAO.

Suno kay Ting, warning naman ang mahatag sang syudad kay Deputy Head Jose Antonio Robello para sa first offense sini nga nagpirma man sa memorandum angut sa quota system.

What’s your Reaction?
+1
0
+1
0
+1
0
+1
0
+1
0
+1
0
+1
0

BANGKAY NGA NASULOD SA SAKO NASAPWAN SA TALISAY

May 15, 2024

Patay na kag nakasulod sa sako sang nasapwan ang lawas sang lalaki pasado sa higad sang Provincial Road, Sitio Mambucano, Barangay Cabatangan, sa syudad sang Talisay, Myerkules sang hapon, Mayo 15, 2024.

Suno sa anay tanod nga si Junior Villarin, samtang nagapanag-ob sila sang iya asawa, nagmuno ini nga may nagapanimaho kag diri nakit-an ang nagatakop nga sako sa higad sang dalan.

Ginkimpit ni Junior sang iya kamulagko ang idalom nga parte nga sako kag nabatyagan ang tiil sang tawo.

Gilayon naman nga nagreport sa kapulisan si Junior angut sa ila nakit-an. Dugang pa, gina-alegar sang pila ka mga pumoluyo nga ang biktima residente man sang nasambit nga lugar.

Palayag ni Junior , ila nakit-an nga dugo-on kag wasak ang nawala nga braso sang biktima kag gina-alegar may tiro sa balikawang.

Suno pa sa nakakita , Mayo 14 palang ukon Martes nga adlaw, nakit-an na sang mga residente ang sako apang wala ginhatagan igtalupangod bangud nagadahom ang mga ini nga basura lang.

Aminado si Police Major Wilben Benoman, deputy chief of police sang Talisay City Police Station nga mabudlay mahibaluan kon sin-o ang mga persona nga nagpatay kag nagbilin sang bangkay.

Suno kay Benoman, indi pa ma establisar kon ano ang rason sang krimen kag kon ano ang background ukon record sang biktima bangud wala pa sang identity.

Palayag ni Benoman may nagpadulong na sa istasyon nga nagapakilala himata sang biktima kag ginasigurado pa sa karon.

Nagapati man si Benoman nga ginbilin lang sa lugar ang bangkay kag indi sa lugar ginpatay ang biktima.

What’s your Reaction?
+1
1
+1
0
+1
0
+1
1
+1
0
+1
0
+1
0

LALAKI NGA NAGATRABAHO SA PERYAHAN, PATAY SANG GINTIRO SANG MANUGTAYA

May 15, 2024

Patay ang nagatrabaho sa peryahan matapos ginluthang sang manugtaya sa Barangay Guimbalaon syudad sang Silay las 2:15 sang kaagahon Mayo 15, 2024.

Suno kay Lt. Col Mark Anthony Darroca, ang hepe sang Silay PNP, ang biktima amo si Allan Tamparong, 34 anyos kag residente sang Barangay Payao banwa sang Binalbagan samtang ang suspect ang ginkilala kay Pedrito Penafiel, legal ang edad kag residente sang Hda Dolores sa amo nga barangay kag syudad.

Suno kay Darroca, sa inisyal nga imbestigasyon sang kapulisan nag baisay sanday Tamparong kag Penafiel angot sa pustahanay nga nag resulta sa pagpaniro.

Si Tamparong ang naka angkon sang walo ka pilas lakip na ang patal nga pilas sa ulo nga amo ang gintunaan sang iya kamatayon.

Matapos ang insidente nagpalagyo si Penafiel dala ang wala pa mahibaluan nga sahi sang armas luthang kag karon padayon nga ginapangita sang kapulisan.

Gina verify man ni Darroca ang impormasyon nga na priso na sadto si Penafiel bangud sa kaso may angot sa ilegal nga paghupot sang armas luthang.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.