LOTTO RESULT November 03, 2018

‘REGISTER ANYWHERE PROGRAM’ SANG COMELEC BACOLOD TEMPORARYO NGA GIN SUSPEND

Temporaryo nga gin suspend sang Comelec Bacolod ang Register Anywhere Program (RAP) sa Government Service Express sa SM City Bacolod umpisa Abril 30, 2024.

Ginpahayag ni City Election Officer Atty. Kathrina Trinio-Cana, may technical difficulty nga na eksperiensyahan sa RAP kag ila na ini gindangup sa Comelec national.

Natalana nga mag pagwa sang advisory ang Comelec Bacolod sa tion nga magbalik na ang RAP.

Tuyo sang RAP nga ma rehistro ang mga indibidwal nga halin sa iban nga LGU nga indi na kinahanglan magkadto sa ila lugar.

Sa record sang Comelec Bacolod, may 36 na ka tawo ang nag avail sang sini nga programa.

Samtang, bukas ang Comelec Bacolod sa Labor Day, Mayo 1 para sa pagpadayon sang registration sa ila opisina sa kilid sang BAYS Center.

TRANSPORT GROUP NAGAPANGAYO PASAYLO SA PUBLIKO SA GINAPATIGAYON NGA UNTAT BYAHE

Nagapangayo sang pasaylo kag paghangop ang grupo sang BACOD Bacolod sa mga commuters nga mahimo maapektuhan sang ginapatigayon nga transport strike.

Suno kay Rudy Catedral, presidente sang BACOD-Bacolod, masobra 1,700 pa ang unconsolidated traditional jeepneys sa syudad sang Bacolod rason nga dako ang epekto sini kag makahatag kabudlayan sa mga commuters kon indi na sila pagpahanugutan nga makabyahe sa dalanon pagkatapos sang Abril 30 nga gintala nga deadline para makapaconsolidate.

Dugang pa ni Catedral, tanan nga transport sektor ang magatipon man sa Bacolod City Government Center Grounds, Abril 30, 2024 para magpatigayon sang dugang pa nga mga programa.