MENU

239 KA TRADITIONAL JEEP NGA NAGPA CONSOLIDATE NAHATAGAN NA SANG STICKER KAG QR CODE

  • at 7:26 pm
Share on facebook
Share on pinterest
Share on twitter
Share on print

Naka isyu na ang Bacolod LGU sang 239 ka mga sticker halin sa LTFRB VI kag QR code sa mga traditional jeepney nga makapadayon sa pag maneho samtang gina comply ang mga requirements sa modernization program.

Suno kay City Administrator Dr. Lucille Gelvolea, ang 239 ka traditional jeep ang kabahin na sang consolidated group gikan sa mga nagkalain-lain nga rota kag kooperatiba sa syudad.

Ginpahayag ni Gelvolea, magalawig ang sticker kag QR code tubtob Disyembre 31, 2024 kag dapat ma islan na ang ila mga unit sang modernized jeep.

Ginpaathag ni Gelvolea, nga ang 239 ang kabahin sang 1,099 modernized units sa idalum sang Local Public Transport Route Plan ukon LPTRP ordinance. Suno kay Gelvolea, ang LTFRB VI ang naghatag sang control number sa gin isyu nga sticker samtang halin sa LGU ang QR Code.

Nagligad nga Abril 30, 2024 nagtakop na ang deadline para sa consolidation sa modernization program.

Samtang, ginklaro ni Gelvolea, mga masobra 700 na lamang ka modernized jeep ang kinahanglan sa syudad kag indi 2 mil base sa una nga report, matapos ang pagtuon nga ginpatuman.

Suno sa City Administrator, mga yara sa dos mil ka modernized units ang kinahanglan para sa bug-os nga syudad.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGPAIN SANG BARANGAY SANG 1% NGA PONDO PARA SA SENIOR CITIZEN KAG PWD, GINADUSO

May 19, 2024

Ginaduso ni Bacolod Councilor Em Ang nga magpain ang tanan nga Barangay sa Bacolod sang 1% sang ila pondo para sa senior citizen kag Person with Disability nga mga sektor.

Ini paagi sa ordinansa nga natalana na ipasulod ni Ang sa second reading matapos masumiter ang committee report.

Ginpaathag ni Ang, tuyo sang proposed ordinance nga mahatagan sang atensyon sang Barangay ang Senior Citizen kag PWD.

Suno kay Ang, sang 2003 ang DILG ang naka isyu sadto sang memorandum circular nga nagapangabay sa mga Barangay nga magpain sang 1% sang ila pondo para sa amo nga mgasektor.

Nagapati si Ang nga dapat ma institutionalize ang ini nga programa kag mangin kabahin ini sa tuigan nga pondo sang kada Barangay.

Suno sa Konsehal, sa damlag lang pagpatigayon sang public hearing, may iban nga barangay ang nagpabutyag nga may ginapain na sila nga pondo para sa mga programa sa senior citizen kag PWD.

What’s your Reaction?
+1
0
+1
0
+1
0
+1
0
+1
0
+1
0
+1
0

ANAY CALL CENTER AGENT, DAKOP SA DRUG BUST OPERATION

May 19, 2024

Priso sa custodial facility sang BCPO Police Station 4 ang anay call center agent matapos madakpan sa drug buy-bust operation Purok Malinong, Barangay Taculing, syudad sang Bacolod, las 12:45 sang udto, Mayo 19, 2024.

Ang nadakpan gingilala kay Rannier Sian, 38 anyos, residente sang residente sang East Homes 3 Barangay Estefania.

Suno kay PCapt. Francis Depasucat, hepe sang Police Station 4, si Sian ang nalista bilang Street Level Individual kag madugay na ginareklamo sang mga pumuloyo matapos ginapausar sini ang ginaarkilahan nga balay para sa iya mga customer bilang suluyupan.

Narekober kay Sian ang pito ka gramo sang ginasuspetsuhan shabu nga may standard drug price 47, 600.00.

Ginpahayag man ni Depasucat nga si Sian ang magapangatubang sang kaso nga paglapas sang Section 5 kag 11 sang RA 9165 ukon pagbaligya kag paghupot sang ilegal nga druga.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.