Preparado na ang Barangay sa pag-augment sa kapulisan sa tion nga ipatuman ang bag-o nga polisa angut sa curfew sa syudad sang Bacolod bilang precautionary measure batuk sa Covid 19.
Ang Liga ng mga Barangay sa Bacolod ang nag patigayon sang emergency meeting subong nga adlaw, Marso 16, kag gin talakay ang dugang nga tikang kontra Covid 19.
Suno kay Liga ng mga Barangay President Lady Gles Gonzales, maga bulig ang Barangay Tanod sa kapulisan sa paglibot sa Barangay para ipatuman ang curfew.
Sarang mapatuman sang Kapulisan kag Kabarangayan ang City Ordinance 561 ukon curfew for minors nga naga umpisa las 10 sang gab-i tubtob las 4 sang kaagahon samtang pending pa ang Implementing Rules and Regulations ukon IRR sa curfew nga cover sa tanan nga edad.
Samtang, nanawagan si Gonzales sa publiko nga mangin tampad sa pag deklarar sang ila travel history kag gina batyag.
Suno kay Gonzales, sa Barangay Taculing, may yara sang 55 ka mga Persons Under Monitoring ukon PUM sa Covid 19 pero wala sang may gina batyag nga sintomas. | Aksyon Dale Salazar
