MENU

PILA KA TRANSPORT GROUPS SA BACOLOD MAGAUNTAT BYAHE SA ABRIL 15, 2024

  • at 8:06 pm
Share on facebook
Share on pinterest
Share on twitter
Share on print

Ginabanta 500 tubtub isa ka libo ka mga mIembro sang Bacolod Alliance of Commuters Operators ang Drivers kag Kaisahan nang Mananakay at Byahero sa Daan ukon (BACOD-KAMBYADA) ang maga-untat byahe bwas nga adlaw, Abril 15.

Suno kay BACOD-Bacolod presidente, Rudy Catedral, kadungan sa panawagan sang PISTON para sa nationwide transport strike, alas 2 sang hapon maga untat biyahe ang ila mga miembro kag magatipon sa Old Airport, Araneta para sa isa ka transport caravan padulong sa Fountain of Justice.

Nagapangayo si Catedral sang pasaylo sa mga commuters nga mahimo maapektuhan sa ila untat byahe.

ISA PA KA TRANSPORT GROUP, MAGAUPOD SA UNTAT BYAHE

Handa naman ang mga miembro sang Kabakod Negros Transport Coalition Inc. (KNETCO) para sa rali protesta kasunod sang nationwide transport strike buwas nga adlaw, Lunes, (Abril 15)

Suno ka Lilian Sembrano, presidente sang KNETCO, masobra isa ka libo nga mga nagapanag-iya sang tradisyunal nga salakyan, drivers kag commuters ang maga-upod sa transport carvan nga magaumpisa sa Marapara, barangay Bata padulong sa New Government Center kag natalana nga magapatigayon sang noise barrage sa palibot sang NGC.

Ginpahayag man ni Sembrano, matapos ang una nga aktibidad sa NGC, plano sang ila grupo nga magpatigayon sang transport caravan sa pila ka mga mayor nga dalanon kag magatipon sang vigil mass kag candle lighting sa Fountain of Justice (Old City Hall).

Damlag pa nagapangayo na sang pasaylo si Sembrano sa posible maapektuhan sang ila aksyon protesta.

Kabahin sa panawagan sang mga membro sang Kabakod Negros Transport Coalition Inc.
nga ibasura ang consolidation deadline sang DOTr 2017-011 ukon ang Omnibus Guidelines on the Planning and Identification of Public Road Transportation Services and Franchise Issuance nga ang sentro amo ang pagpatuman sang Public Utility Vehicle Modernization Program (PUVMP) kag ibalik ang (5) lima ka tuig nga prangkisa sang mga tradisyunal nga salakyan.

What’s your Reaction?
+1
2
+1
0
+1
0
+1
0
+1
0
+1
0
+1
0

MGA LGU SA NEGROS OCCIDENTAL GINPANGABAY NGA MAG-USAR SANG SOLAR ROOF

May 20, 2024

Nagpangabay si Governor Eugenio Jose Lacson sa mga Local Government Unit nga mag usar sang solar roof sa mga building sang gobyerno.

Ini kadungan sa pagsaulog sang renewable energy week nga nag umpisa sang Lunes, Mayo 20 kag magalawig tubtob Mayo 24, 2024.

Ang aktibidad ang base sa Executive Order 04-09 nga gin isyu ni Lacson nga naga deklarar sang kada ikatatlo nga semana sang bulan sang Mayo bilang Renewable Energy Week sa Negros Occidental.

Ginpahayag ni Lacson, may madamo nga exhibitors nga nagpasakop sa kahiwatan nga makatanyag sang ila mga produkto para mangin solar na ang mga building sang gobyerno.

Suno sa Gobernador, sa bahin sang kapitolyo probinsyal, target nga mapaidalum sa bidding ang proyekto nga pag usar sang solar energy sang probinsya sa 3rd quarter sang tuig.

Suno kay Lacson, paagi sa pag usar sang renewable energy, makabulig ini para maghagan-hagan ang epekto sang climate change, magluwas nga makakinot pa.

What’s your Reaction?
+1
0
+1
0
+1
0
+1
0
+1
0
+1
0
+1
0

PROBINSYA HANDA LIWAT MAGPATIGAYON SANG PRESENTATION SA MGA NAGAPAMATOK SA BULK WATER PROJECT

May 20, 2024

Ginpahayag ni Governor Eugenio Jose Lacson nga handa ang probinsya nga liwat magpatigayon sang presentation sa mga nagapamatok sa 1.2 billion pesos nga Negros Occidental Bulk Water Supply Project.

Sa interview sang media, Lunes, ginpahayag ni Lacson, nga napaidalum sa husto nga proseso ang ini nga proyekto kag gin imbitar man ang tanan.

Sa anum ka LGUs nga sakop ang Imbang kag Malogo River nga pagakuhaan sang surface water sang proyekto, ang Silay LGU na lamang ang wala makahatag sang resolution of no objection.

Suno sa Gobernador, handa ang probinsya nga mag presentar sang sini nga proyekto sa Silay ilabi na sa mga natungdan nga Barangay.


Ginadula naman sang gobernardo ang posibilidad nga magpasaka sang kaso sa mga nagapamatok.

Liwat nga ginpahayag ni Lacson nga tinutuyo sang proyekto nga mahatagan sang safe potable water ang mga pumuluyo.

Si Lacson ang magabyahe sa Bali, Indonesia subong nga semana nga isa sa mga guest speakers sa 10th World Water Forum.

Ginpahayag ni Lacson, iya ipabalo sa forum ang nabalay nga water security plan sang probinsya kag ang ginaduso nga bulk water project.

Samtang, ginasuhestyon ni Silay Mayor Joedith Gallego ang pagpatigayon sang public ukon Barangay consultation sa ila nga lugar sa ginaduso nga Bulk Water Supply Project.

Ginpahayag ni Gallego, iya ginatugyan sa Sangguniang Panlungsod ang pagsunod sang nagakaigo nga proseso lakip na ang public consultation kag pagtuon sa sini nga proyekto.

Suno sa alkalde, wala man sang opisyal nga sulat nga ginpadangat sa iya sa mga nagapamatok pero may mga grupo sang mga planters kag mangunguma ang nagapabutyag sang oposisyon sa proyekto.

Ginpahayag ni Gallego, nga wala karon sang problema sa suplay sang tubig ang Silay paagi man sa ila water utility nga Silay City Water District.

Sa nahibaluan, ang Imbang River kag Malogo River ang duha ka mga surface water nga pagakuhaan sang tubig sa sini nga proyekto.
Ang duha ka mga suba ang nagalabay sa Victorias, Talisay, Silay kag E.B Magalona.

Nalakip sa plano ang pagtukod sang water treatment facility sa Barangay Guimbalaon, Silay kag sa Malogo sa E.B Magalona.

Una na nga ginpahayag ni Governor Lacson nga may nagakaigo nga pagtuon para kwaan sang tubig ang duha ka mga kasubaan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.