MENU

DUGANG NGA IMBESTIGADOR MAGABULIG USISA SA KAMATAYON NI PSSG. ALACHA

  • at 5:51 pm
Share on facebook
Share on pinterest
Share on twitter
Share on print

Nagpadala sang dugang nga imbestigador ang Negros Occidental Police Provincial Office (NOCPPO) sa Sagay City PNP agud magbulig sa nagapadayon nga imbestigasyon sa kaso nga pagpatay kay Police Staff Sergeant Lernie Alacha sang Sabado (Abril 27).

Suno kay NOCPPO Spokesperson Police Captain Judesses Catalogo, nagdesisyon ang provincial command nga mag-augment sang personnel agud matutukan ang imbestigasyon kag mapadasig ang paghibalo sang matuod nga natabo.

Dugang pa, ginatinguhaan man karun nga mapadasig ang pagpagwa sang resulta sang paraffin test sa tatlo ka mga kaupdana ni Alacha.

Pagpahayag ni Catalogo, luyag sang PNP nga masunod ang nagakaigo nga proseso kag makapatuman sang maidid nga imbestigasyon antis maghatag sang tul-id nga imbestigasyon.

Samtang, ginakabig na nga persons of interest ang tatlo ka mga kaupdanan ni Police Staff Sergeant Lernie Alacha sang ini ang natiruhan kag napatay sadtong Sabado.

Suno kay Catalogo, ginpaidalom sa paraffin test ang tanan nga upod ni Alacha bilang ebidensya sa nagapadayon nga imbestigasyon.

Wala naman nagaduda ang PNP sa mga pahayag sang himata ni Alacha apang ila ginaklaro nga ginasunod lamang nila ang proseso.

Sa pihak nga bahin, ginklaro naman ni Catalogo nga ang DSWD ang makadesisyon karun kun dapat ipaidalom sa ila kustodiya ang pito (7) ka tuig nga bata.

Apang, sa inisyal nga report nga nabaton sang PNP, ginbalik ini sa paghinakop sang iya iloy.

May angut sini, ginaklaro ni Catalogo nga wala pa ginakabig nga suspetsado ang menor de edad nga bata sang biktima.

Nahibaloan, ginpahayag sang live-in partner ni Alacha nga si Irene Dayanan nga ang ila pito (7) ka tuig nga bata nga lalaki ang nakatiro sa pulis nga ginkamatay sini.

What’s your Reaction?
+1
0
+1
0
+1
0
+1
0
+1
0
+1
0
+1
0

PILA KA TRICYCLE DRIVERS GINBALABAGAN ANG PAG DRY RUN SANG E-JEEP SA VISTA ALEGRE

May 15, 2024

Nagapanindugan ang grupo sang tricycle drivers sa Barangay Vista Alegre nga indi magpasugot sa plano nga dry run sang e-jeep gikan sa Progreso Village Relocation Site sa Barangay Vista Alegre padulong sa Burgos Public Market umpisa Mayo 15 tubtob Mayo 19.

Suno kay Carlito Ronamo, presidente sang Arvis Toda, wala sila ginpabalo nga may masulod nga e-jeep sa ila lugar kon diin man sila nagabyahe sang tricycle nga amo ang ila palangitan-an.

Dugang pa sini, sa pihak nga lima ka adlaw lang nga dry run ang patigayunon, nagapati sila nga ma apektuhan ang ila income bangud wala na sang may masakay sa ila rason nga ang pagbarikada sa dalan pasulod kag pagwa sa Arao relocation site.

Plano sang TODA nga magbarikada sa sulod sang lima ka adlaw ang ila ginhimo sa tuyo nga masapakan kag mapabutyag ang ila sentimyento kag luyag nga indi pagdayunon ang dry run sang e-jeep.

Ginpahayag ni Ronamo indi nila pagbatunon ang ginaduso nga ayuda bangud kaangay lang nga ginbakal sila sang administrasyon.

REAKSYON SANG COMMUTER

Pabor si Leonora Moralde, residente sang Barangay Vista Alegre nga magbyahe ang e-jeep sa ila lugar bangud makatipid sa plete kag safe kag airconditioned pa ang ila ginasakyan.

Suno kay Moralde, halin sa arao padulong sa pradahan sang tricycle naga bayad sila sang 20 pesos kag 20 pesos man ang ginabayad sa jeep apang kon magabyahe na ang e-jeep, posible nga yara lang sa 28 tubtob 30 pesos ang plete halin sa arao relocation site padulong sa Burgos Public Market.

Suno kay Moralde, pabor siya sa amo nga development para sa “comfort” kag “safety” man sang mga pasahero kung nagabyahe kag isa nalang ka sakay padulong sa Burgos.

Nagapangabay si Moralde sa mga tricycle drivers nga batunon ang ini nga development bangud nagapati nga indi man sila madulaan sang palangabuhian bisan pa nga mag-umpisa na sa pagbyahe ang e-jeep.

What’s your Reaction?
+1
0
+1
1
+1
0
+1
0
+1
0
+1
0
+1
0

GOLEZ LIWAT MAGAPAPILI ALKALDE SANG SILAY SA 2025

May 15, 2024

Ginkompirmar ni anay Silay City Mayor Mark Golez ang iya liwat nga pagpapili bilang alkalde sang syudad sa 2025 nga eleksyon.

Suno kay Golez, iya pormal nga ginbaton ang nominasyon sang local political group nga Asenso Silay bilang official standard bearer sa pagka-alkalde.

Lubos nga ginpasalamatan ni Golez ang mag-utod nga Bacolod City Mayor Albee Benitez kag Third District Cong. Kiko Benitez sa suporta nga ginhatag sa iya.

Dugang ni Golez, desisyonan pa sang ila nga grupo kun sin-o ang pagapilion nga kandidato sa pagka-bise alkalde kag iya mangin running mate sa eleksyon.

Sang 2022 nga eleksyon, si Tom Ledesma amo ang nakatandem ni Golez kag nagdaug bilang bise alkalde sa idalom sang Partido Demokratiko Pilipino – Lakas ng Bayan (PDP-Laban).

Si Ledesma ang liwat nga magapapili sa pagka-bise alkalde apang tandem kay incumbent Silay Mayor Joedith Gallego.

Samtang, kalakip man si Golez sa magaresign sa PDP-Laban.

Suno kay Golez, magaupod siya sa desisyon ni Bacolod City Mayor Albee Benitez kag Third District Cong. Kiko Benitez nga magbiya sa PDP-Laban.

Dugang pa ni Golez, magaresign man ang (7) ka mga incumbent City Councilors sa partido, kabahin sa gin-anunsyo nga mass resignation.

Nagligad nga Mayo 3, gin-anunsyo ni Mayor Benitez ang plano sang mga PDP-Laban members sa Negros Occidental kag Bacolod nga mass resignation sa partido.

Nagligad nga Abril 9, una nga nagbiya sa PDP-Laban ang Victorias City Vice Mayor nga si Abelardo Bantug III kag siyam (9) ka mga konsehal.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.