MENU

RESOLUSYON SANG SP NGA NAGAPANGABAY SA KONGRESO SANG SOLUSYON SA PROBLEMA SA TRANSPORT INDUSTRY, GINSUMITER SA SENADO

  • at 7:10 pm
Share on facebook
Share on pinterest
Share on twitter
Share on print

Nabaton na sang Senado kag House of Representative subong nga adlaw Martes Mayo 7 ang kopya sang Resolution No. 371, Series of 2024, matapos personal nga gin dul-ong ni Bacolod City Vice Mayor El Cid Familiaran.

Suno kay Familiaran, ini nga Resolution ang naga hingyo sa duha ka mga panalgan sang Kongreso nga mapadasig ang pagdihon kag pagpasar sang naga kaigo nga kasuguan angut sa Public Utility Vehicle Modernization Program sang Gobyerno Nasyunal.

Dugang pa ni Familiaran, ini nga lihok sang konseho sang syudad ang naga tuyo nga mahatagan nga solusyon ang gina atubang nga problema sang transport industry ilabi na sa tion nga ma wad-an na sang palangabuhian ang amo nga sektor.

Sa nahibaluan, ang Resolution No. 371, Series of 2024 ang ginpasar unanimously sang konseho tinalikdan nga Mayo 3 sa Regular Session sang Sangguniang Panlungsod. | VM Familiaran Photo/FB

What’s your Reaction?
+1
1
+1
0
+1
0
+1
0
+1
0
+1
0
+1
0

PAGPAIN SANG BARANGAY SANG 1% NGA PONDO PARA SA SENIOR CITIZEN KAG PWD, GINADUSO

May 19, 2024

Ginaduso ni Bacolod Councilor Em Ang nga magpain ang tanan nga Barangay sa Bacolod sang 1% sang ila pondo para sa senior citizen kag Person with Disability nga mga sektor.

Ini paagi sa ordinansa nga natalana na ipasulod ni Ang sa second reading matapos masumiter ang committee report.

Ginpaathag ni Ang, tuyo sang proposed ordinance nga mahatagan sang atensyon sang Barangay ang Senior Citizen kag PWD.

Suno kay Ang, sang 2003 ang DILG ang naka isyu sadto sang memorandum circular nga nagapangabay sa mga Barangay nga magpain sang 1% sang ila pondo para sa amo nga mgasektor.

Nagapati si Ang nga dapat ma institutionalize ang ini nga programa kag mangin kabahin ini sa tuigan nga pondo sang kada Barangay.

Suno sa Konsehal, sa damlag lang pagpatigayon sang public hearing, may iban nga barangay ang nagpabutyag nga may ginapain na sila nga pondo para sa mga programa sa senior citizen kag PWD.

What’s your Reaction?
+1
0
+1
0
+1
0
+1
0
+1
0
+1
0
+1
0

ANAY CALL CENTER AGENT, DAKOP SA DRUG BUST OPERATION

May 19, 2024

Priso sa custodial facility sang BCPO Police Station 4 ang anay call center agent matapos madakpan sa drug buy-bust operation Purok Malinong, Barangay Taculing, syudad sang Bacolod, las 12:45 sang udto, Mayo 19, 2024.

Ang nadakpan gingilala kay Rannier Sian, 38 anyos, residente sang residente sang East Homes 3 Barangay Estefania.

Suno kay PCapt. Francis Depasucat, hepe sang Police Station 4, si Sian ang nalista bilang Street Level Individual kag madugay na ginareklamo sang mga pumuloyo matapos ginapausar sini ang ginaarkilahan nga balay para sa iya mga customer bilang suluyupan.

Narekober kay Sian ang pito ka gramo sang ginasuspetsuhan shabu nga may standard drug price 47, 600.00.

Ginpahayag man ni Depasucat nga si Sian ang magapangatubang sang kaso nga paglapas sang Section 5 kag 11 sang RA 9165 ukon pagbaligya kag paghupot sang ilegal nga druga.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.