Naka pauli na sa ila tagsa ka mga puluy-an ang 48 tanan ka mga repatriated OFW nga mga Bacolodnon matapos mna kumpleto ang 14-day mandatory quarantine subong nga adlaw, Huwebes.
Suno kay Councilor Israel Salanga Chairman sang Action Team on Returning OFWs ukon ATRO, ini nga mga OFW ang lunsay nag negatibo sa resulta sang RT-PCR test apang pila sang ila mga kaupdanan sa batch ang padayon pa nga maga pabilin sa quarantine facility tungod sang natabo nga pagka delatar sang ila resulta gikan sa testing center sa Iloilo.
Suno sa Konsehal, 15 ka OFWs ang nag graduate sa quarantine kaina sang aga samtang may dugang nga 33 ka OFWs subong nga hapon.
Samtang, may 38 naman ka LSIs nga Bacolodnon nga may travel history sa Palawan nga nakatapos na sang 14-day quarantine kag nag negatibo sa Covid-19 RT-PCR Test.
Sa pihak bahin, panibag-o naman nga batch sang Bacolodnon ang nag abot takna sa Bacolod-Silay Airport sa diin siyam diri ang OFW kag 8 naman ang Locally Stranded Individuals ukon SLI kaina sang aga, Hunyo 4. | Aksyon Art Tayhopon