MENU

75% SEATING CAPACITY SA BARKO, GINADUSO

  • at 5:31 pm
Share on facebook
Share on pinterest
Share on twitter
Share on print

Ginpangabay sang shipping lines sa MARINA nga pahanugutan sila nga makadugang sang seating capacity sa tig 2 ka units nga nagabiyahe Bacolod-Iloilo vice-versa.

Suno kay Frank Carbon, operator sang Weesam, halin sa 50% seating capacity ginpangabay nila ang 75% agud ma akomodar ang tanan nga pasahero.

Dugang pa ni Carbon, umpisa sadtong ikaduha nga semana sang Disyembre 2020 tubtob subong, nagdamo na ang ila pasahero kag nagalab ot na sa 120 tubtob 130 ka pasahero kada trip.

Palayag ni Carbon, ginapahanumduman sila sang MARINA nga ipabilin ang one meter distance sa sulod sang mga barko kag padayon ipatuman ang iban nga health and safety protocols. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

DUGANG NGA 13 KA PAMILYA SA BARANGAY 12 NAGBATON SANG AWARD SANG LOTE SA RELOCATION SITE

April 30, 2024

May dugang nga trese ka mga residente sa Barangay 12, syudad sang Bacolod ang naka baton sang award sang lote sa Progreso Village Relocation Site sa Barangay Vista Alegre.

Ang mga benepisyaryo ang kabahin sang 64 ka mga kwalipikado nga pamilya nga ma apektuhan sang redevelopment project sang Manokan Country.

Ginpahayag ni Ma. Cristina Samonte, Officer V sang Housing and Homesite Regulations sang BHA, nagdangat na sa 48 tanan ang nakabaton sang award para sa mga lote nga una ginpangbawi sang LGU.

Suno kay Samonte, may dugang nga application nga nagasulod sa ila opisina nga natalana hatagan sang award sa masunod nga semana.

Ginpahayag ni Samonte, nagapabilin pa sa Barangay 12 ang mga nakabaton sang award samtang gina amat-amat plastar ang ila masayluhan sa relocation site.

Ang mga nakabaton sang award ang ginahatagan sang 30 dias tubtob 90 dias nga makasaylo bangud kon mapaslawan, pwede ini nga mabawi sang LGU.

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 11K KA SAPAT SA PROBINSYA APEKTADO SANG EL NIÑO

April 30, 2024

11,556 ka mga kasapatan sa Negros Occidental kag kapin 183 hektarya sang kahilamunan nga ginaharab, ang apektado ang el niño phenomenon.

Ini ang progressive report sang Provincial Disaster Risk Reduction and Management Office (PDRRMO) tubtub Abril 26, 2024, angot sa kahalitan sa livestock kag pasture areas.

Ini nga kahalitan ang nag-apekto sa 870 ka mga households, kag 95 ka mga barangay halin sa 21 ka mga local government units.

Ang Isabela amo ang may pinakadamo kasapatan nga naapektohan nga may 5,152, kag ginasundan sang Ilog nga may 4,237.

Nagdangat sa masobra P10 milyones pesos ang balor sang kahalitan.

Samtang pinakadaku nga kahalitan sa kahilamunan ang narekord sa Barangay Gargato Hinigaran nga may 100 hektarya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.