MENU

BAG-O NGA DOG POUND PAGATUKURON SA BARANGAY GRANADA

  • at 3:50 pm
Share on facebook
Share on pinterest
Share on twitter
Share on print

Ginpahayag ni Mayor Albee Benitez nga magatukod ang syudad sang Bacolod sang bag-o nga dog pound sa bag-o nga propedad nga nabakal sang LGU sa Barangay Granada.

Sa karon, yara sa Barangay 35 ang dog pound sang LGU nga damlag lang ginpatuman ang improvement para sa mga na rescue nga stray dogs.

Suno kay Benitez, iya karon ginahulat ang pinal nga desensyo kag proposal halin sa City Veterinary Office sang bag-o nga dog pound.

Samtang, ginkumpirmar ni Benitez, nga naga pungko na bilang assistance department head sang City Vet Office si Dr. John Michael Cabuaguason.Si Cabuaguason ang anay head sang City Veterinary Office sang Victorias LGU.

Ginanunsyo ni Benitez nga may ginabalay karon nga programa para sa libre kapon sang mga ido kag kuring nga ginatan-aw makabulig para ma control ang pagdamo sang stray dogs.

What’s your Reaction?
+1
0
+1
0
+1
0
+1
0
+1
0
+1
0
+1
0

DRY RUN SANG E-JEEP SA ‘GREEN ROUTES’ MAGAUMPISA SA MASUNOD NGA SEMANA

May 9, 2024

Magaumpisa na sa masunod nga semana ang dry run sang electric jeep sa duha ka mga rota sa syudad sang Bacolod.

Ginpahayag ni Mayor Albee Benitez, Hwebes, ang e-jeep ang magabyahe sa ginatawag nga ‘green lane’ sa may relocation site sa Barangay Vista Alegre kag sa Barangay Cabug.

Sa karon, may walo ka mga unit sang e-jeep ang yari na sa Bacolod nga himo sang e-future Motors Ph Inc.

Sa dry run, indi pa pwede nga makasukot sang plete sa pag byahe sang e-jeep.

Ginpahayag ni Atty. Salvador Altura Jr., officer-in-charge sang LTFRB VI, tuyo sang dry run mahibaluan kon pila ka e-jeep ang padalaganon sa amo nga rota.

Ginpaathag ni Altura, ang e-jeep ang dapat malakip sa enhance Local Public Transport Plan ukon LPTRP sang LGU.

Suno kay Altura, ang LPTRP ang ginapreparar sang LGU kag ginasumiter sa LTFRB VI, nga amo naman ang maga endorso sa Department of Transportation para sa approval.

What’s your Reaction?
+1
0
+1
0
+1
0
+1
0
+1
0
+1
0
+1
0

VM FAMILIARAN MAY APAT KA OPTIONS SA 2025

May 9, 2024

Ginpahayag ni Bacolod City Vice Mayor El Cid Familiaran nga may apat siya ka options sa 2025 elections.

Sa interview kay Familiaran sa aksyon hotline, una dire amo ang magpahuway bangud indi naman siya makapapili bilang bise alkalde.

Ikaduha amo ang magpapili bilang konsehal, ikatatlo; magpapili bilang alkalde kag ika-apat mahimo man siya mag papili bilang kongresista.

Apang suno kay Familiaran, para sa iya malayo pa ang filing sang Certificate of Candidacy kag nagapati nga may mga pagbag-o pa nga matabo.

Ginklaro man sini nga wala sang imbitasyon ang grupo ni Mayor Albee Benitez sa iya para iduso nga magpapili Congressman upod sa alkalde.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.