MENU

BANA NGA NAGPATAY SA ASAWA, GINPASAKAAN NA KASO

  • at 7:44 pm
Share on facebook
Share on pinterest
Share on twitter
Share on print

Ginpasaka na subong nga adlaw sa Provincial Prosecutor’s office ang kaso nga parricide batok kay Eduardo Mendiona, 58 anyos, nga amo ang suspetsado sa pagpatay sa iya asawa sadtong Enero 13 sa Barangay Yaoyao, banwa sang Cauayan.

Suno kay Major Lowell Garinganao, hepe sang Cauayan PNP, mismo ang 20 anyos nga bata nga babayi ni Mendiona amo ang nagpasaka sang kaso.

Sa madumduman, brutal nga ginpatay ni Mendiona ang iya 50 anyos nga asawa nga si Precilla paagi sa paglaslas sang liog.

Isa sa ginalantaw motibo sang krimen, amo ang lalisay sang mag asawa bangud sa indi pagtuman sang bana nga ipakay-o ang ila balay.

Ini paagi sa kwarta nga ginapadala sang iya asawa, sang ini ang nagatrabaho pa sa Manila.

Si Mendiona ang nagapabilin sa custodial facility sang Cauayan PNP. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

FENCING GINPATUMAN NA SA PROYEKTO NGA PAGATUKURON SA OLD CITY HALL

April 30, 2024

Amat-amat na nga ginpangsaylo ang mga importante nga mga dokumento halin sa Old City Hall pakadto sa Midway Facility sa Barangay Alijis.

Ginpahayag ni City Engineer Loben Raphael Ceballos, ini kabahin sang preparasyon para sa pagtukod sang bag-o nga pasilidad nga magabulos sa Old City Hall.

Ginpatuman naman ang fencing sa lugar partikular na sa fountain of justice.

Ginpahayag ni Ceballos, may pila ka mga opisina sa Old City Hall ang nagsaylo kaangay sang City Treasurer’s Office nga temporaryo nga ginausar ang annex building sang Libertad Market.

May mga opisina man nga maga usar sang DAR office sa Barangay 14.

Ang PWD office ang magasaylo sa Bacolod Public Plaza. Magalawig sang 18 ka bulan ang konstruksyon sang bag-o nga pasilidad balor 223 milyones pesos nga kabahin sang 4.4 billion loan sang LGU sa Development Bank of the Philippines.

Sa sini nga proyekto, iga demolish ang Old City Hall samtang indi naman matandog ang fountain of justice.

What’s your Reaction?
+1
0
+1
0
+1
1
+1
0
+1
0
+1
0
+1
0

TRANSPORT GROUP NAGAPANGAYO PASAYLO SA PUBLIKO SA GINAPATIGAYON NGA UNTAT BYAHE

April 30, 2024

Nagapangayo sang pasaylo kag paghangop ang grupo sang BACOD Bacolod sa mga commuters nga mahimo maapektuhan sang ginapatigayon nga transport strike.

Suno kay Rudy Catedral, presidente sang BACOD-Bacolod, masobra 1,700 pa ang unconsolidated traditional jeepneys sa syudad sang Bacolod rason nga dako ang epekto sini kag makahatag kabudlayan sa mga commuters kon indi na sila pagpahanugutan nga makabyahe sa dalanon pagkatapos sang Abril 30 nga gintala nga deadline para makapaconsolidate.

Dugang pa ni Catedral, tanan nga transport sektor ang magatipon man sa Bacolod City Government Center Grounds, Abril 30, 2024 para magpatigayon sang dugang pa nga mga programa.

What’s your Reaction?
+1
0
+1
0
+1
1
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.