Nagapadayon pa tubtub karon ang fact Finding mission sang mga progresibo nga grupo may angot sa kamatayon sang 9 ka mga mangunguma nga napatay sa masaker sa syudad sang Sagay.
Suno kay Bayan Negros Sec. Gen. Michael Dela Concepcion nagtingub ang pwersa sang mga militante nga hubon nga nagikan pa sa Manila kag isla sang Panay agud hibaloon kung sino kag ano ang matibo sa pagpatay sa 9 ka mga membro sang NFSW sa Hacienda Nene, Barangay Bulanon sa amo nga syudad.
Dugang pa ni Dela Concepcion, padayon ang pagpakig-angot sang ila grupo sa mga pamilya sang mga biktima, nakaluwas kag iban pa nga mga Hacienda workers agud hibaluon kung sin-o ang sa likod sang krimen.
Ang fact finding mision sang Bayan Negros, ang gina-updan sang NFSW, National Union of Peoples Lawyer, Karapatan kag Gabriela nga ginpangunahan man ni Gabriela party list Rep. Arlene Brosas.
