MENU

GRUPO SANG UNDOC NANAWAGAN NGA MAG-UPOD SA NOISE BARRAGE AGUD IPAKITA ANG PAGPAMATOK SA PLANO NGA PAG PHASE-OUT SANG TRADISYUNAL NGA DYIP

  • at 8:56 pm
Share on facebook
Share on pinterest
Share on twitter
Share on print

Maga-upod ang lokal nga grupo sang transportasyon sa patigayunon nga noise barrage sang National transport organization agod ipakita ang pagpamatuk sa ipatuman sang gobiyerno nga total phase out sang tradisyunal nga mga salakyan umpisa adlaw sang lunes, Hunyo 1.

Suno kay United Negros Drivers Operators Center (UNDOC) secretary General Diego Malacad, ila ginakasugtan nga noise barrage ang himuon agod nga wala sang salabton nga kaso sa palaabuton.

Nanawagan si Malacad sa tanan nga nagabiyahe sang dyip de pasahero nga updan ang tikang nga nationwide noise barrage paagi sa pagbusina sang salakyan pagpatak sang las 10 sang aga.

Nagapati si Malacad nga ang implementasyon sa pag-phase out sang mga tradisyunal nga salakyan isa ka indikasyon nga nag umpisa na ang martial law apang indi ang gobiyerno ang nanguna kundi ang Land Transportation Franchising and Regulatory Board ukon LTFRB.

What’s your Reaction?
+1
0
+1
0
+1
0
+1
0
+1
0
+1
0
+1
0

FENCING GINPATUMAN NA SA PROYEKTO NGA PAGATUKURON SA OLD CITY HALL

April 30, 2024

Amat-amat na nga ginpangsaylo ang mga importante nga mga dokumento halin sa Old City Hall pakadto sa Midway Facility sa Barangay Alijis.

Ginpahayag ni City Engineer Loben Raphael Ceballos, ini kabahin sang preparasyon para sa pagtukod sang bag-o nga pasilidad nga magabulos sa Old City Hall.

Ginpatuman naman ang fencing sa lugar partikular na sa fountain of justice.

Ginpahayag ni Ceballos, may pila ka mga opisina sa Old City Hall ang nagsaylo kaangay sang City Treasurer’s Office nga temporaryo nga ginausar ang annex building sang Libertad Market.

May mga opisina man nga maga usar sang DAR office sa Barangay 14.

Ang PWD office ang magasaylo sa Bacolod Public Plaza. Magalawig sang 18 ka bulan ang konstruksyon sang bag-o nga pasilidad balor 223 milyones pesos nga kabahin sang 4.4 billion loan sang LGU sa Development Bank of the Philippines.

Sa sini nga proyekto, iga demolish ang Old City Hall samtang indi naman matandog ang fountain of justice.

What’s your Reaction?
+1
0
+1
0
+1
1
+1
0
+1
0
+1
0
+1
0

MASOBRA 11K KA SAPAT SA PROBINSYA APEKTADO SANG EL NIÑO

April 30, 2024

11,556 ka mga kasapatan sa Negros Occidental kag kapin 183 hektarya sang kahilamunan nga ginaharab, ang apektado ang el niño phenomenon.

Ini ang progressive report sang Provincial Disaster Risk Reduction and Management Office (PDRRMO) tubtub Abril 26, 2024, angot sa kahalitan sa livestock kag pasture areas.

Ini nga kahalitan ang nag-apekto sa 870 ka mga households, kag 95 ka mga barangay halin sa 21 ka mga local government units.

Ang Isabela amo ang may pinakadamo kasapatan nga naapektohan nga may 5,152, kag ginasundan sang Ilog nga may 4,237.

Nagdangat sa masobra P10 milyones pesos ang balor sang kahalitan.

Samtang pinakadaku nga kahalitan sa kahilamunan ang narekord sa Barangay Gargato Hinigaran nga may 100 hektarya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.