Sa katapusan nga adlaw sa filing sang certificate of candidacy ukon COC sa Oktobre 17 mahibaluan ang kompleto nga listahan sang mga kandidato sang local political party nga United Negros Alliance ukon UNEGA para sa 2019 nga eleksyon. Ini ang ginpahayag ni UNEGA head Gov. Alfredo Maranon Jr., matapos ipaisol sang Commission on Election ang petsa sa filing sang COC. Suno sa gobernador, mabudlay ipalayag ang ngalan sang sin-o man nga kandidato bangud posible pa nga mag-lain ang desisyon sang mga ini, antes mag-abot ang deadline sang filing. Dugang pa ni Maranon, mahibaluan lamang ang pinal nga listahan sang ila mga kandidato matapos ang alas singko sang hapon nga deadline sa Oktobre 17. Isa sa ngalan nga klaro bilang kandidato sang UNEGA sa pagka-bise gobernador amo si anay 4th District Cong. Jeffrey Ferrer. Siya ang maga-tandem kay Vice Gov. Bong Lacson nga amo naman ang kandidato sang Love Negros bilang gobernador. Ang filing sang COC maga-umpisa sa Oktobre 11.
What’s your Reaction?
+1
+1
+1
+1
+1
+1
+1
