MENU

NEGROS OCCIDENTAL MAY DUGANG NGA LIMA NGA PATAY BANGUD SA COVID-19; BACOLOD MAY DUGANG NGA 106 CASES

  • at 7:20 pm
Share on facebook
Share on pinterest
Share on twitter
Share on print

Nadugangan sang lima ka bag-o nga patay ang Negros Occidental bangud sa Covid-19.

Sa gin pagwa nga case bulletin No. 167 sang DOH 6, naga pakita nga anum ang bag-o nga napatay sa Region 6, lima dire ang gikan sa Negros Occidental kag isa ang gikan sa capiz.

Nag dangat sa 253 ang bag-o nga Covid-19 cases sa Region 6.

Pinakadamo nga kaso ang na record sa Bacolod nga may 106, sunod ang Negros Occidental nga may 53, Iloilo City nga may 45, Iloilo Province nga may 25, Capiz nga may 20, Aklan may 2, kag tag isa sa Antique kag Guimaras.

Gin report man sang DOH 6 ang dugang nga 65 nga naka recover sa masakit.

Ang Bacolod ang may 26 ka recoveries kag tatlo ang Negros Occidental.

Ang Western Visayas ang may 3,194 active Covid-19 cases, 3,589 ang naka recover kag 101 ang napatay.

What’s your Reaction?
+1
0
+1
0
+1
0
+1
0
+1
0
+1
0
+1
0

TUBTOB ISA KA BULAN NGA SUSPENSYON GINATAN-AW KONTRA SA BTAO HEAD

April 29, 2024

Ginatan-aw ni Bacolod City Legal Officer Atty. Romeo Carlos Ting Jr. nga posible tubtob isa ka bulan nga suspensyon ang ipapanaug batuk kay BTAO Head Patrick Lacson.

Ini angut sa duha k mga bayolasyon nga nahimo ni Lacson nga pagdala sang salakyan sang LGU sa iya balay nga ginkakasan sang logo ka syudad kag ang pag isyu sang quota system sa mga traffic enforcer.

Sa press conference, Lunes, ginpahayag ni Ting, light offense ang bayolasyon ni Lacson ukon wala pagsunod sa mga procedure nga ginapatuman.

Ginapaabot ni Ting nga ila na masumiter ang rekomendasyon kay Mayor Albee Benitez para sa iya nga approval.

Ginpahayag naman ni Mayor Albee Benitez, nga warning lang kuntane ang ipapanaug kay Lacson apang duha ka notice to explain ang na isyu sa officer-in-charge sang BTAO.

Suno kay Ting, warning naman ang mahatag sang syudad kay Deputy Head Jose Antonio Robello para sa first offense sini nga nagpirma man sa memorandum angut sa quota system.

What’s your Reaction?
+1
0
+1
0
+1
0
+1
0
+1
0
+1
0
+1
0

MIEMBRO SANG LGBTQ, PATAY SANG GINTIRO SA SULOD SANG BALAY

April 29, 2024

Patay ang myembro sang LGBTQ Community matapos ginluthang sang wala pa makilala nga persona sa sulod sang iya puluy-an sa Purok Boulevard, Brgy.14 syudad sang Bacolod las 7:30 sang gab-i, Lunes, Abril 29.


Ginkilala ang biktima sa kay Babes Gonzales, 24 anyos, may live-in partner kag residente sa nasambit nga lugar.


Suno kay Police Major Elmer Bonilla, hepe sang Police Station 1, nasapwan na lamang sang iya iloy ang biktima nga nagahamyangon sa sulod sang ila puluy-an kag wala na sang kabuhi.


Dugang pa ni Bonilla, duha ka igo sa ulo kag isa sa abaga ang naangkon ni Gonzales matapos ginluthang gamit ang kalibre 45 nga armas luthang sang suspetsado nga gin alegar nakasuksuk sang bonnet sang ginhimo ang krimen.

Wala sang record sa kapulisan si Gonzales rason nga may kabudlayan ang otoridad sa pag establisar sa motibo sang pagpatay.

Nagalaom si Bonilla nga magkooperar ang pamilya ni Gonzales kag mga residente sa lugar para sa madasig nga imbestigasyon sang kaso.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.