Naka pauli na ang 22 ka mga OFWs nga gin paidalum sang syudad sa 14-day mandatory quarantine subong nga adlaw, Huwebes matapos man nga nag negatibo sa Covid-19 RT-PCR Test.
Suno kay Councilor Israel Salanga, Chairman sang Action Team on Returning OFWs ukon ATRO, ini nga mga OFW ang isa-isa nga gin dul-ong sa ila tagsa ka mga puluy-an.
Sa pihak nga bahin, base sa record sang komitiba nga gina pamunuan sang konsehal, umpisa nga gin patuman sang IATF national ang repatriation sang mga OFW, naglab-ot na sa 370 tanan ka mga Bacolodnon ang nakapauli.
Gin klaro man sang konsehal nga base sa inisyal nga impormasyon sang iya talatapan, may yara naman sang panibag-o nga batch sang mga OFW nga natalana maga abot sa syudad bwas nga adlaw, Mayo 29 paagi sa biyahe sang barko gikan sa Manila samtang may yara man sang grupo nga maga biyahe paagi sa pagsakay sa eroplano. | Aksyon Art Tayhopon