Unanimous nga gin aprubahan sang Sangguniang Panlungsod sa Bacolod ang resolution nga naga naga palambot sang simpatiya kag pagpakig-unong sa pamilya nga nalisdan ni the late Eduardo ‘Danding’ Cojuangco Jr.
Si Business tycoon Cojuangco nga CEO kag chairman sang San Miguel Corporation kag founder sang National People’s Coalition ukon NPC ang napatay sa edad nga 85 Martes sang gab-i bangud sa masakit.
Suno kay Councilor Dindo Ramos, nag author sang resolution, si Cojuangco ang madamo sang contribution ilabi na sa syudad sang Bacolod kag Negros Occidental.
Dugang pa ni Ramos, si Cojuangco ang isa sa mga nag suporta sa sports development sang pungsod sa patag sang basketball kag nag dala ini sang multi-million investment sa Bacolod.
Nag palab-ot man si Congressman Greg Gasataya sang pakig-unong sa pamilya Cojuangco.
Suno kay Gasataya, Bacolod District chairperson sang NPC, madamo ang na contribute si Cojuangco sa ekonomiya sang Pilipinas, madamo sang nabuligan kag nahatagan sang trabaho, kag sa aspeto sang politika.
Suno pa sa Kongresista, ang mga gin bilin nga memories kag legasiya ni Cojuangco ang panigurado nga indi malipatan.
Sa press statement, gin pahayag ni Mayor Evelio Leonardia nga si Cojuangco ang isa ka natural leader kag icon nga nag himo sang major kag lasting impact sa pag sanyog sang pungsod.
Suno sa Alkalde, si Cojuangco ang isa ka major kag dominant figure kasunod nga iya gin bag-o ang physical kag political landscapes sang probinsya. | Aksyon Dale Salazar