MENU

BACOLOD MAGADUGANG SANG MGA POLISA BATUK DELTA VARIANT

  • at 4:05 pm
Share on facebook
Share on pinterest
Share on twitter
Share on print

Magadugang sang pagsulundan ang syudad sang Bacolod bilang preparasyon batuk sa Delta Variant sang Coronavirus.

Suno kay Dr. Chris Sorongon, deputy for medical data and analysis sang Emergency Operations Center Task Force, gintalakay sa ila pagsapol kaupod kay Bacolod City Mayor Evelio Leonardia amo ang istrikto nga minimum protocols kag pagdumili sang pag tipon-tipon.

Magatukod  man ang syudad sang Delta Force working team nga magatutok batuk sa Delta Variant.

Subongman, mas pabaskugon ang Prevention, Detection, Isolation, Treatment and Reintegration (PDITR).

Plano sang syudad nga padugangan sa mga pribado kag pampubliko nga mga hospital ang healthcare capacity, mas pasangkaron ang genomic bio surveillance kag koordinasyon sa Department of Health Region 6 para mapadala ang mga specimen sa Philippine Genome Center para sa detection.

Dugang pa ni Sorongon, pabakuron pa ang border control kag usisaon ang mga naga inabot nga turista.

Nagalaum si Sorongon nga dugangan sang gobiyerno nasyunal ang ginapadala nga bakuna sa syudad. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

MIEMBRO SANG LGBTQ, PATAY SANG GINTIRO SA SULOD SANG BALAY

April 29, 2024

Patay ang myembro sang LGBTQ Community matapos ginluthang sang wala pa makilala nga persona sa sulod sang iya puluy-an sa Purok Boulevard, Brgy.14 syudad sang Bacolod las 7:30 sang gab-i, Lunes, Abril 29.


Ginkilala ang biktima sa kay Babes Gonzales, 24 anyos, may live-in partner kag residente sa nasambit nga lugar.


Suno kay Police Major Elmer Bonilla, hepe sang Police Station 1, nasapwan na lamang sang iya iloy ang biktima nga nagahamyangon sa sulod sang ila puluy-an kag wala na sang kabuhi.


Dugang pa ni Bonilla, duha ka igo sa ulo kag isa sa abaga ang naangkon ni Gonzales matapos ginluthang gamit ang kalibre 45 nga armas luthang sang suspetsado nga gin alegar nakasuksuk sang bonnet sang ginhimo ang krimen.

Wala sang record sa kapulisan si Gonzales rason nga may kabudlayan ang otoridad sa pag establisar sa motibo sang pagpatay.

Nagalaom si Bonilla nga magkooperar ang pamilya ni Gonzales kag mga residente sa lugar para sa madasig nga imbestigasyon sang kaso.

What’s your Reaction?
+1
0
+1
0
+1
0
+1
0
+1
0
+1
0
+1
0

DUGANG NGA IMBESTIGADOR MAGABULIG USISA SA KAMATAYON NI PSSG. ALACHA

April 29, 2024

Nagpadala sang dugang nga imbestigador ang Negros Occidental Police Provincial Office (NOCPPO) sa Sagay City PNP agud magbulig sa nagapadayon nga imbestigasyon sa kaso nga pagpatay kay Police Staff Sergeant Lernie Alacha sang Sabado (Abril 27).

Suno kay NOCPPO Spokesperson Police Captain Judesses Catalogo, nagdesisyon ang provincial command nga mag-augment sang personnel agud matutukan ang imbestigasyon kag mapadasig ang paghibalo sang matuod nga natabo.

Dugang pa, ginatinguhaan man karun nga mapadasig ang pagpagwa sang resulta sang paraffin test sa tatlo ka mga kaupdana ni Alacha.

Pagpahayag ni Catalogo, luyag sang PNP nga masunod ang nagakaigo nga proseso kag makapatuman sang maidid nga imbestigasyon antis maghatag sang tul-id nga imbestigasyon.

Samtang, ginakabig na nga persons of interest ang tatlo ka mga kaupdanan ni Police Staff Sergeant Lernie Alacha sang ini ang natiruhan kag napatay sadtong Sabado.

Suno kay Catalogo, ginpaidalom sa paraffin test ang tanan nga upod ni Alacha bilang ebidensya sa nagapadayon nga imbestigasyon.

Wala naman nagaduda ang PNP sa mga pahayag sang himata ni Alacha apang ila ginaklaro nga ginasunod lamang nila ang proseso.

Sa pihak nga bahin, ginklaro naman ni Catalogo nga ang DSWD ang makadesisyon karun kun dapat ipaidalom sa ila kustodiya ang pito (7) ka tuig nga bata.

Apang, sa inisyal nga report nga nabaton sang PNP, ginbalik ini sa paghinakop sang iya iloy.

May angut sini, ginaklaro ni Catalogo nga wala pa ginakabig nga suspetsado ang menor de edad nga bata sang biktima.

Nahibaloan, ginpahayag sang live-in partner ni Alacha nga si Irene Dayanan nga ang ila pito (7) ka tuig nga bata nga lalaki ang nakatiro sa pulis nga ginkamatay sini.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.