Nagaupod si Councilor Em Ang sa pagpangabay sa 61 ka mga water refilling stations nga temporaryo nga mag untat matapos natukiban nga wala sang sanitary kag business permits.
Ginpahayag ni Ang, iya na ginatugyan sa natungdan nga opisina kaangay sang Permits and Licensing Division kag City Legal Office ang pagpatuman sang nagakaigo nga tikang batuk sa mga negosyo nga wala sang permit.
Gina-abi-abi sang konsehal, ang tikang sang Bacolod City Health Office angut sa ginduso sini nga resolution nga nagapangabay sang inspection sang mga water refilling stations sa syudad.
Nagpanugyan si Ang sa mga natungdan nga negosyante nga mag comply sa mga requirements kasunod sang reklamo nga nabaton sang iya opisina nga may naga operate nga water refilling stations nga wala sang nagakaigo nga permit.
Sa datus sang CHO, sa 142 ka mga water refilling stations nga inspection sang Sanitary Inspector, 61 dire ang wala sang permit samtang 81 naman ang compliant.