MENU

LAPSAG, PATAY BANGUD SA GINAPATIHAN PERTUSSIS

  • at 7:01 pm
Share on facebook
Share on pinterest
Share on twitter
Share on print

Patay ang duha ka bulan nga bata nga lalaki sa Negros Occidental bangud sa ginasuspetsuhan nga pertussis disease.

Suno kay Provincial Health Officer Dr. Ma. Girlie Pinongan, ang pasyente ang taga-Northern Negros kag napatay sa hospital kagab-i lamang, Martes.

Dugang pa ni Pinongan, lunsay mga sintomas sang pertussis ang ginbatyag sang bata apang ginahulat pa ang resulta sa specimen nga ginpaidalom sa laboratory examination sa Research Institute for Tropical Medicine (RITM).

Sa kabug-usan may 39 na ka mga pertussis related cases ang narekord sa Negros Occidental, sa diin walo ang kompirmado, trese (13) ang negatibo kag dyesiotso (18) ang probable.

Una nga napatay sa pertussis disease ang isa ka bulan nga bata nga babaye.

Pito ka mga local government units sa Negros Occidental ang may kompirmado nga kaso sang pertussis disease.

Sa rekord sang Provincial Health Office – Negros Occidental Health Surveillance System, ang pito amo ang Victorias, Cauayan, Silay, Cadiz, Hinobaan, Murcia, kag EB Magalona.

Pinakadamo nga kaso amo ang Murcia nga may duha, kag nakarekord man sang isa ka napatay.

Kalabanan sa mga pasyente nga nagpositibo sa pertussis amo ang mga kabataan nga nagaedad zero tubtub siyam ka bulan.

What’s your Reaction?
+1
0
+1
0
+1
0
+1
0
+1
0
+1
0
+1
0

DUGANG NGA IMBESTIGADOR MAGABULIG USISA SA KAMATAYON NI PSSG. ALACHA

April 29, 2024

Nagpadala sang dugang nga imbestigador ang Negros Occidental Police Provincial Office (NOCPPO) sa Sagay City PNP agud magbulig sa nagapadayon nga imbestigasyon sa kaso nga pagpatay kay Police Staff Sergeant Lernie Alacha sang Sabado (Abril 27).

Suno kay NOCPPO Spokesperson Police Captain Judesses Catalogo, nagdesisyon ang provincial command nga mag-augment sang personnel agud matutukan ang imbestigasyon kag mapadasig ang paghibalo sang matuod nga natabo.

Dugang pa, ginatinguhaan man karun nga mapadasig ang pagpagwa sang resulta sang paraffin test sa tatlo ka mga kaupdana ni Alacha.

Pagpahayag ni Catalogo, luyag sang PNP nga masunod ang nagakaigo nga proseso kag makapatuman sang maidid nga imbestigasyon antis maghatag sang tul-id nga imbestigasyon.

Samtang, ginakabig na nga persons of interest ang tatlo ka mga kaupdanan ni Police Staff Sergeant Lernie Alacha sang ini ang natiruhan kag napatay sadtong Sabado.

Suno kay Catalogo, ginpaidalom sa paraffin test ang tanan nga upod ni Alacha bilang ebidensya sa nagapadayon nga imbestigasyon.

Wala naman nagaduda ang PNP sa mga pahayag sang himata ni Alacha apang ila ginaklaro nga ginasunod lamang nila ang proseso.

Sa pihak nga bahin, ginklaro naman ni Catalogo nga ang DSWD ang makadesisyon karun kun dapat ipaidalom sa ila kustodiya ang pito (7) ka tuig nga bata.

Apang, sa inisyal nga report nga nabaton sang PNP, ginbalik ini sa paghinakop sang iya iloy.

May angut sini, ginaklaro ni Catalogo nga wala pa ginakabig nga suspetsado ang menor de edad nga bata sang biktima.

Nahibaloan, ginpahayag sang live-in partner ni Alacha nga si Irene Dayanan nga ang ila pito (7) ka tuig nga bata nga lalaki ang nakatiro sa pulis nga ginkamatay sini.

What’s your Reaction?
+1
0
+1
0
+1
0
+1
0
+1
0
+1
0
+1
0

TUBTOB ISA KA BULAN NGA SUSPENSYON GINATAN-AW KONTRA SA BTAO HEAD

April 29, 2024

Ginatan-aw ni Bacolod City Legal Officer Atty. Romeo Carlos Ting Jr. nga posible tubtob isa ka bulan nga suspensyon ang ipapanaug batuk kay BTAO Head Patrick Lacson.

Ini angut sa duha k mga bayolasyon nga nahimo ni Lacson nga pagdala sang salakyan sang LGU sa iya balay nga ginkakasan sang logo ka syudad kag ang pag isyu sang quota system sa mga traffic enforcer.

Sa press conference, Lunes, ginpahayag ni Ting, light offense ang bayolasyon ni Lacson ukon wala pagsunod sa mga procedure nga ginapatuman.

Ginapaabot ni Ting nga ila na masumiter ang rekomendasyon kay Mayor Albee Benitez para sa iya nga approval.

Ginpahayag naman ni Mayor Albee Benitez, nga warning lang kuntane ang ipapanaug kay Lacson apang duha ka notice to explain ang na isyu sa officer-in-charge sang BTAO.

Suno kay Ting, warning naman ang mahatag sang syudad kay Deputy Head Jose Antonio Robello para sa first offense sini nga nagpirma man sa memorandum angut sa quota system.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.