April 29, 2024
Nasapwan ang bangkay sang isa ka lalaki sa kilid sang baybay sa Purok Rosas Pandan, Barangay Poblacion, syudad sang Bago las 7 sang aga, Lunes (Abril 29).
Suno kay Police Senior Master Sergeant Anthony Luto, Duty Investigator sang Bago City PNP, nakit-an sang mga mananagat nga nagapanglakaton sa kilid sang baybay ang bangkay.
Pagpahayag ni Luto, nagakaagnas na ang bangkay kag ginasuspetsuhan sinimana na sang nagtaliwan.
May suksok nga pula nga bayo ang lalaki kag puti nga short.
Ang bangkay ang yara karun sa Baxter Funeral Homes kag wala pa makilal-an.
Sa piyak nga bahin, ginpahayag ni Luto nga wala sang pilas nga nakita sa lawas sang napatay.