Doble na sa karun ang pagbantay sang gobyerno probinsyal sa mga nagasulod nga pork kag pork products.
Sa interview sa Aksyon Hotline ginpahayag ni Acting Provincial Veterinarian Dr. Placeda Lemana nga kun sang nagligad ang pork products nga gikan lamang sa Cebu kag Leyte ang ginadilian sa pagsulod sa probinsya, ginadilian na man sa karun ang pagpasulod sang baboy halin sa Negros Oriental.
Ini matapos maka-record ang Dauin, Negros Oriental sang kaso sang African Swine Fever (ASF).
Suno kay Lemana, naka-heightened alert sa karun ang probinsya kag maid-id nga gina-usisa ang mga nagasulod nga produkto sang baboy.
Nahibaloan, base sa layi nahanungod sa ASF, ang mga lugar nga may kalayuon nga 0.05 kilometers ukon 500 meters nga may infected sang ASF ang ipaidalom sa “hog culling” ukon pagpamatay sa mga baboy bisan wala pa ini sang balatian.
Nahibaloan, ang Negros Occidental ang nagapabilin nga ASF free, samtang ang District IV na man ang may pinakadako nga lugar sa probinsya nga madamo sang nagasagod sang baboy. | Aksyon Dorel Cabatu via Aksyon Hotline