MENU

‘NO REGISTRATION, NO ENTRY’ IPATUMAN SA MGA TURISTA NGA MAKADTO SA MT. HERMIT; BINALBAGAN PNP MAGAPAHAMTANG SANG DUHA KA CHECKPOINTS

  • at 8:05 pm
Share on facebook
Share on pinterest
Share on twitter
Share on print

Ipatuman sang Binalbagan LGU ang No Registration, No Entry sa Hermit kag Trese sa Sitio Bulwang, Barangay Biao sa banwa sang Binalbagan.

Ini paagi sa ginpagwa nga Executive Order No. 5 series of 2023 sang LGU.

Sa nahibaluan, ginadagsa karon ang Hermit Mountain bangud sa katahom sang lugar kag dire man nag umpisa ang paglinapta sang basura sa lugar.

Base sa mando, tanan nga magakadto sa amo nga tourist destination ang dapat mag parehistro isa ka adlaw antes magbyahe sa lugar paagi sa Municipal Tourism Office.  

Wala sang bayad ang pre-registration nga pwede mahimo face to face ukon paagi sa QR Code ukon website link para sa online registration.  

Ang registration ang Lunes tubtob Biernes las 8 sang aga tubtob las 5 sang hapon.  Pagatugutan lamang sang LGU ang 300 ka mga persona sa tourist destination.

Ang 300 ka mga ngalan nga naka rehistro ang igasumiter sa Barangay nga amo ang maga-check sa entrance area.  

(Choy Lando Photography FB Photo)

Magapahamtang sang duha ka checkpoints ang Binalbagan PNP sa lugar.

Sa interview sang Aksyon Reports Afternoon Edition, ginpahayag ni Major Ellendie Rebusquillo, hepe sang Binalbagan PNP, isa ka checkpoint ang maga check sang mga dokumento sang mga motorista samtang ang isa ka checkpoint ang maga check kon naka register ang turista.

Ginklaro ni Rebusquillo, nga wala sang dakpanay sa mga motorista nga kulang sa dokumento kundi indi lamang sila pagpasudlon sa lugar bangud may mga habal-habal driver man nga naga operate sa lugar nga kulang man ang ila dokumento.

Suno kay Rebusquillo, tubtob 300 lamang ang maka kadto sa matahom nga lugar, pero may yara sang gindesignar nga duha ka holding area nga pwede maka standby samtang nagahulat nga magpanaug ang mga turista.

Ginpahayag sang Hepe, may yara man sang gindesignar nga lugar sa Hermit Mountain nga pwede lamang baligyaan sang mga negosyante.

Gindesignar ang right lane nga pwede parkingan sang mga motorista.

Nanawagan si Rebusquillo sa mga turista sang kooperasyon kag pagsunod sa executive order nga ginpapanaug sang alkalde para mapang apinan ang tourist destination. | Aksyon Dale Salazar

What’s your Reaction?
+1
2
+1
3
+1
0
+1
1
+1
0
+1
2
+1
0

REKLAMO NGA MURDER GINPASAKA BATUK SA TATLO KA SUSPEK SA KINAGAMO SA MURCIA

April 2, 2023

Ginpasaka na ang murder complaint subong nga Sabado, batuk sa tatlo ka mga suspek nga sanday Marjune Gallano, Jojie Gallano, kag Venus Grace Catbagan lunsay residente sang Brgy Canlandog, banwa sang Murcia nga ginatudlo nga responsable sa kinagamo nga nagluntad sa Brgy Salvacion, banwa sang Murcia ala 1:10 sang aga, sang Byernes nga adlaw, Marso 31.

Suno kay Police Major Marc Joeil Reclamado, Chief of Police sang Murcia PNP nga kaupod man nga nagpadulong sa Hall of Justice ang pamilya sang mga biktima.

Ginkumpirmar ni Reclamado nga outpatient na sa karon ang isa ka pulis samtang yara pa sa ospital ang isa ka personnel kag estable na ang kondisyon samtang, ang isa ka sibilyan ang yara pa sa ospital kag estable naman ang medical status.

Nagpanugyan man ang hepe sa publiko nga kun mag-inom-inom dapat magsinadya lang kag likawan ang ginamo nga makaresulta sang krimen.

Nagpasiguro man si Reclamado sa pumuluyo nga padayon ang ila trabaho nga mapabilin ang kalinong kag katawhay sang banwa.

Sa piyhak nga bahin, maga-deploy man ang hepe sang mga police personnel sa mga lugar nga permi ginabisita sang turista sa maabot nga semana santa. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

DUGANG NGA 80 KA PULIS GIN DEPLOY SA NOCPPO PARA SA SUMMER KAG SEMANA SANTA 2023

April 2, 2023

Plastado na ang kapulisan sa Negros Occidental Police Provincial Office kadungan sa Summer Vacation 2023 kag pagdumdum sang Balaan nga semana santa nga magaumpisa na sa maabot nga Lunes.

Suno kay PCapt Judesses Catalogo, spokesman sang NOCPPO, gina-alerto ang tagsa ka kapulisan sa probinsya nga mangin mabinantayon sa pagdagsa sang mga deboto nga magapadulong sa tagsa ka mga simbahan, groto, senakulo kag iban pa nga mga religous activities.

Dugang pa ni Catalogo,  may mga Police Assistance Desk na nga igapahamtang sa mga terminal sang barko, bus kag airport nalakip na dire ang mga simbahan kag iban pa nga mga tourist destination kag mga beaches sa tuyo nga mapakita ang suporta sa mga pumoloyo kag sa madasig nga pagresponder sa tion sang emerhensya.

Ginpahayag man ni Catalogo nga may 80 pa ka mga bag-o nga pulis gikan sa PRO6 ang ginpadala sa NOCPPO agud mangin dugang nga pwersa sa mga kapulisan para sa sini nga kahiwatan.  | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.