MENU

ONE-WAY TRAFFIC SCHEME GINPATUMAN PAKADTO SA PANAAD

  • at 5:56 pm
Share on facebook
Share on pinterest
Share on twitter
Share on print

Ginpatuman sang Bacolod Traffic Authority Office ang one-way traffic scheme halin sa Lopue’s Panaad pakadto sa entrance sang Panaad Park karon nga Panaad Festival 2024 umpisa la 1 sang hapon tubtob las 11 sang gab-i.

Ginpahayag ni Jose- Antonio Robello, deputy head sang BTAO, sa pagsulod sa Panaad sa bahin sang Barangay Alijis, ang may dala nga mga salakyan ang maga exit sa likod sang Panaad sa Barangay Mansilingan.

May 30 ka mga traffic enforcers nga gin deploy ang BTAO sa lugar sa pila ka shift. Ginpatuman ang no parking policy sa kilid sang dalan pasulod sa Panaad.

May lima ka lugar nga gindesignar nga parking area sa sulod sang Panaad, duha dire ang para sa mga opisyales kag VIPS samtang tatlo ang para sa publiko.

Posible i-divert naman ang mga trucking nga magalabay sa Bangga Metal sa Alijis, pero ini ang case-to-case basis.

Suno pa kay Robello, may pag guot sa trapiko bangud nga gindagsa ang una nga adlaw sang Panaad Festival kag ang pagpasulod sang dalagkuan nga mga props sang LGU para sa Best of Festivals competition.

What’s your Reaction?
+1
0
+1
0
+1
0
+1
0
+1
0
+1
0
+1
0

KAHERA SA BTAO NGA GINAKUSAR NAG RETOKE SANG RESIBO, NAG RESIGN

April 29, 2024

Nag resign na ang kahera sang City Treasurer’s Office nga assign sa Bacolod Traffic Authority Office nga gin akusar nga nag retoke sang resibo sang traffic violator.

Sa press conference, ginpahayag ni City Legal Officer Atty. Romeo Carlos Ting Jr., nagligad nga Biernes, Abril 26, nag sumiter sang resignation ang regular nga empleyado.

Bangud sini, indi na mapatuman ang plano nga pag isyu sang show cause order kag preventive suspension batuk sa empleyado.

Suno kay Ting, base sa paathag nga ginsumiter sang kahera sa iya department head, nag brownout sang gin proseso ang bayad sang traffic violator rason nga iya ini gin ballpen.

Ginpahayag ni Ting, nga ginpanginwala man sang kahera ang mga alegasyon batuk sa iya.

Suno kay Ting, abswelto sa kaso administratibo ang kahera matapos nagresign.

Suno pa kay Ting, may dugang nga duha ka resibo nga ginakwestyon man sa karon batuk man sa gihapon sang kahera.

Pero ginakonsiderar ni Mayor Albee Benitez ang pagpasaka sang kaso kriminal batuk sa ginareklamo nga kahera.

What’s your Reaction?
+1
1
+1
0
+1
0
+1
0
+1
0
+1
0
+1
0

MIEMBRO SANG LGBTQ, PATAY SANG GINTIRO SA SULOD SANG BALAY

April 29, 2024

Patay ang myembro sang LGBTQ Community matapos ginluthang sang wala pa makilala nga persona sa sulod sang iya puluy-an sa Purok Boulevard, Brgy.14 syudad sang Bacolod las 7:30 sang gab-i, Lunes, Abril 29.


Ginkilala ang biktima sa kay Babes Gonzales, 24 anyos, may live-in partner kag residente sa nasambit nga lugar.


Suno kay Police Major Elmer Bonilla, hepe sang Police Station 1, nasapwan na lamang sang iya iloy ang biktima nga nagahamyangon sa sulod sang ila puluy-an kag wala na sang kabuhi.


Dugang pa ni Bonilla, duha ka igo sa ulo kag isa sa abaga ang naangkon ni Gonzales matapos ginluthang gamit ang kalibre 45 nga armas luthang sang suspetsado nga gin alegar nakasuksuk sang bonnet sang ginhimo ang krimen.

Wala sang record sa kapulisan si Gonzales rason nga may kabudlayan ang otoridad sa pag establisar sa motibo sang pagpatay.

Nagalaom si Bonilla nga magkooperar ang pamilya ni Gonzales kag mga residente sa lugar para sa madasig nga imbestigasyon sang kaso.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.