All set na ang probinsya sang Negros Occidental sa grand opening sang Panaad sa Negros 2024 nga patigayunon las 4 sang hapon bwas, Lunes, Abril 15, 2024.
Sa interview sa Estorya Espesyal, ginpahayag ni Provincial Tourism Officer Cheryl Decena nga madamo sang balantayan nga mga aktibidad sa sini nga Festival.
Suno kay Decena, ginpasiguro nila nga ang ini nga festival ang indi sadya-sadya lang kundi may mga mapuslanon nga kag signipikante nga aktibidad.
Ang kapyestahan sini nga tuig ang may tema nga “Living the Promise” sa diin tuyo nga makatuga kag makabilin sang impact sa Negrosanon.
Ang Panaad sa Negros ang patigayunon halin Abril 15 tubtub 21, 2024.