Ginpahamtang sa tatlo ka Barangay sa syudad sang Bacolod sang 17 ka mga water tanks halin sa Bacolod LGU.
Ini ang ginbakal sang Bacolod CDRRMO kag gintugyan sa Barangays Handumanan, Villamonte kag Mansilingan.
Ini ang isa sa mga tikang sang syudad sa padayon nga kakulang sang suplay sang tubig bangud man sa epekto sang El Niño.
May water tanker man nga naga deliver sang tubig isa ang iya ka Chamber, duha ang iya ka amity, isa iya ka red cross, isa ang iya ni Councilor Cindy Rojas samtang nagpahalulam man ang Manila Water sang tatlo ka water tanker.
Suno kay Dr. Anna Maria Laarni-Pornan, head sang Bacolod CDRRMO, may ginbakal man ang syudad nga isa ka water tanker nga may kapasidas nga 4,000 liters pero wala pa ini makaabot.
Suno kay Pornan, magalawig tubtob Mayo 2024 ang pag deliver sang tubig sa mga Barangay kag nagalaum nga mag tupa ang ulan.
Suno kay Pornan, ang ginbakal nga mga kagamitan ang pwede sa gihapon nga mausar sang syudad sa tion sang emerhensya kaangay sang water tanker nga pwede ma augment sa BFP Bacolod. | BCD PIO Photos