MENU

MGA SAKAYAN PANDAGAT GIKAN BACOLOD PADULONG ILOILO, VICE VERSA, WALA SA GIHAPON SG BYAHE

  • at 7:45 pm
Share on facebook
Share on pinterest
Share on twitter
Share on print

Ginkumpirmar ni Negros Occ. Phil. Coast Guard Commander Jansen Benjamin nga wala gihapon sang commercial travel para sa mga fastcraft nga magatabok halin sa syudad sang Bacolod pakadtu sa Iloilo vice versa magluwas gid lamang sa mga essential goods kag cargoes.

Ginpahayag ni Benjamin nga ang ginapahanugutan lang nga makabiyahe ang mga locally stranded individuals kag returning OFW’s nga may kompleto nga requirements kaangay sang travel authority halin sa PNP kag medical certificate.

Nagapanawagan man si Benjamin sa stranded passengers nga luyag magpauli kag makatabok sa Cebu, Guimaras kag Iloilo, dapat magpakig angot sa ila tagsa ka mga barangay kag LGU’s, magkuha sang medical clearances kag travel authority halin sa PNP.

What’s your Reaction?
+1
0
+1
0
+1
0
+1
0
+1
0
+1
0
+1
0

CAUAYAN NAGRESERBA SANG 4.5M PARA SA KALAMIDAD

May 2, 2024

P4.5 milyones pesos ang nakareserba nga pondo sang lokal nga gobyerno sang Cauayan, Negros Occidental para sa kalamidad.

Suno kay Municipal Mayor John Ray Tabujara, bastante ini para gastuhon sa anu man nga kalamidad nga magluntad sa ila nga banwa.

Ginklaro sang alkalde nga ila ginkasugtan nga indi magdeklarar sang state of calamity, bisan pa nga may kahalitan na ang el niño phenomenon.

Suno kay Tabujara, may nagakaigo man nga bulig nga nahatag ang banwa, gobyerno probinsiyal kag regional office sang Department of Social Welfare and Development (DSWD) sa mga naapektohan nga residente.

Dugang pa sang alkalde nga ang P4.5 milyones pesos ang ginatigana sang banwa sa tion nga may magluntad nga iban nga kalamidad pareho sang baha kag bagyo.

Sa datos sang Office of the Provincial Agriculturist, ang Cauayan amo ang lugar sa Negros Occidental nga may pinakadaku nga kahalitan sa el niño.

What’s your Reaction?
+1
0
+1
0
+1
0
+1
0
+1
0
+1
0
+1
0

RETIRED POLICE TEMPORARYO NGA GINDESIGNAR BILANG ASSISTANT SANG BTAO HEAD

May 2, 2024

Temporaryo nga gindesignar ni BTAO Head Patrick Lacson si retired Police Joey Resuma bilang iya nga assistant.

Ini matapos ang pag sumiter ni BTAO Deputy Head Jose Antonio Robello sang iya resignation bangud magabyahe ini sa Estados Unidos kaupod ang pamilya para magbakasyon.

Suno kay Lacson, wala ginpahalin si Robello kag nag sumiter sang resignation bangud sa delikadesa nga magabyahe sang malawig nga tion.

Pero ginklaro ni Lacson nga ila pa ginahulat ang sabat sang City Legal Office sa estado ni Robello kon bala pwede maka ‘leave’ ukon mag resign guid bangud may plano ini nga magbalik sa BTAO sa Hulyo 2024.

Una nga ginpahayag ni Lacson nga iya ginapangabay si Robello nga ikonsiderar ang desisyon nga pag resign.

Suno kay Lacson, nag commit sa iya si Robello nga indi maghalin sa BTAO kag padayon nga magabulig sa traffic management.

Si Resuma malawig na nga contractual worker sa BTAO, may maayo nga track record kag may ihibalo sa local kag traffic laws.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.