MENU

ISA PATAY SA PAGBUNGO SANG MOTORSIKLO SA AWTO SA DSB

  • at 10:06 pm
Share on facebook
Share on pinterest
Share on twitter
Share on print

Galupad kag on the spot nga napatay ang motor rider sang ini nagbungo sa nasugata nga awto sa highway sang Purok Manihan, Barangay Bunga, Don Salvador Benedicto mga las 3:30 kaina sang hapon, Nobiembre 29.

Ang napatay ginkilala kay Andy Caranay, legal ang edad kag nagapuyo sa Purok Talos, Barangay Igmaya-an sa amo man nga banwa.

Ang driver sang awto ginkilala naman kay Judy Canedo, 40 anyos, nagapuyo sa San Lorenzo Village, Syudad sang Talisay.

Nakaangkon sang minor injuries ang pasahero sang awto nga sanday Cesar Canedo, 61 anyos, Elena Canedo, 67, Juvelyn Canedo, 35 anyos kag Arriabe Alimento walo ka tuig.

Nagrekta naman sa talamnan ang awto.

Suno kay PLt Everly Canto, Deputy Chief of Police sang DSB PNP, makita sa kuha sang CCTV nga ang motorsiklo amo ang nagpadulong sa pihak nga dalan kag nagbungo sa awto.

Padayon pa ang imbestigasyon sang kapulisan sa insidente. | Aksyon Bryan Morden

VIDEO: https://web.facebook.com/102359658945111/videos/3098889973714118

What’s your Reaction?
+1
2
+1
0
+1
0
+1
3
+1
2
+1
7
+1
3

TUBTOB ISA KA BULAN NGA SUSPENSYON GINATAN-AW KONTRA SA BTAO HEAD

April 29, 2024

Ginatan-aw ni Bacolod City Legal Officer Atty. Romeo Carlos Ting Jr. nga posible tubtob isa ka bulan nga suspensyon ang ipapanaug batuk kay BTAO Head Patrick Lacson.

Ini angut sa duha k mga bayolasyon nga nahimo ni Lacson nga pagdala sang salakyan sang LGU sa iya balay nga ginkakasan sang logo ka syudad kag ang pag isyu sang quota system sa mga traffic enforcer.

Sa press conference, Lunes, ginpahayag ni Ting, light offense ang bayolasyon ni Lacson ukon wala pagsunod sa mga procedure nga ginapatuman.

Ginapaabot ni Ting nga ila na masumiter ang rekomendasyon kay Mayor Albee Benitez para sa iya nga approval.

Ginpahayag naman ni Mayor Albee Benitez, nga warning lang kuntane ang ipapanaug kay Lacson apang duha ka notice to explain ang na isyu sa officer-in-charge sang BTAO.

Suno kay Ting, warning naman ang mahatag sang syudad kay Deputy Head Jose Antonio Robello para sa first offense sini nga nagpirma man sa memorandum angut sa quota system.

What’s your Reaction?
+1
0
+1
0
+1
0
+1
0
+1
0
+1
0
+1
0

KAHERA SA BTAO NGA GINAKUSAR NAG RETOKE SANG RESIBO, NAG RESIGN

April 29, 2024

Nag resign na ang kahera sang City Treasurer’s Office nga assign sa Bacolod Traffic Authority Office nga gin akusar nga nag retoke sang resibo sang traffic violator.

Sa press conference, ginpahayag ni City Legal Officer Atty. Romeo Carlos Ting Jr., nagligad nga Biernes, Abril 26, nag sumiter sang resignation ang regular nga empleyado.

Bangud sini, indi na mapatuman ang plano nga pag isyu sang show cause order kag preventive suspension batuk sa empleyado.

Suno kay Ting, base sa paathag nga ginsumiter sang kahera sa iya department head, nag brownout sang gin proseso ang bayad sang traffic violator rason nga iya ini gin ballpen.

Ginpahayag ni Ting, nga ginpanginwala man sang kahera ang mga alegasyon batuk sa iya.

Suno kay Ting, abswelto sa kaso administratibo ang kahera matapos nagresign.

Suno pa kay Ting, may dugang nga duha ka resibo nga ginakwestyon man sa karon batuk man sa gihapon sang kahera.

Pero ginakonsiderar ni Mayor Albee Benitez ang pagpasaka sang kaso kriminal batuk sa ginareklamo nga kahera.

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.