MENU

BANGKAY SANG LALAKI NASAPWAN SA SAPA SA BANWA SANG ISABELA

  • at 9:35 pm
Share on facebook
Share on pinterest
Share on twitter
Share on print
(Isabela PNP Photo)

Bangkay na sang nasapwan sa sapa’ ang 50 anyos nga lalaki kaina sang aga sa Hda. Antolanga Brgy. Tinongan, banwa sang Isabela.

Ini ginkilala kay Leonardo Debosada kag nagapuyo sa Zone 2, Hda. Antolanga, Brgy. Tinongan, Isabela.

Sa inisyal nga pagpangusisa ni PMaj. Joseph Partidas, hepe sang Isabela PNP, ulihi nga nakita ang biktima las 6 sang kagab i (June 24, 2022) nga nagapaligo sa sapa pagkatapos inom sang makahulubog nga ilimnon.

Las 9:30 sang aga sang nasapwan ang bangkay ni Debosada nga ginapatihan, nalumos sang nagpaligo sa sapa’ bangod hubog.

Wala naman sang nakit-an nga foul play ang kapulisan angot sa kamatayon ni Debosada. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

KAHERA SA BTAO NGA GINAKUSAR NAG RETOKE SANG RESIBO, NAG RESIGN

April 29, 2024

Nag resign na ang kahera sang City Treasurer’s Office nga assign sa Bacolod Traffic Authority Office nga gin akusar nga nag retoke sang resibo sang traffic violator.

Sa press conference, ginpahayag ni City Legal Officer Atty. Romeo Carlos Ting Jr., nagligad nga Biernes, Abril 26, nag sumiter sang resignation ang regular nga empleyado.

Bangud sini, indi na mapatuman ang plano nga pag isyu sang show cause order kag preventive suspension batuk sa empleyado.

Suno kay Ting, base sa paathag nga ginsumiter sang kahera sa iya department head, nag brownout sang gin proseso ang bayad sang traffic violator rason nga iya ini gin ballpen.

Ginpahayag ni Ting, nga ginpanginwala man sang kahera ang mga alegasyon batuk sa iya.

Suno kay Ting, abswelto sa kaso administratibo ang kahera matapos nagresign.

Suno pa kay Ting, may dugang nga duha ka resibo nga ginakwestyon man sa karon batuk man sa gihapon sang kahera.

Pero ginakonsiderar ni Mayor Albee Benitez ang pagpasaka sang kaso kriminal batuk sa ginareklamo nga kahera.

What’s your Reaction?
+1
1
+1
0
+1
0
+1
0
+1
0
+1
0
+1
0

MIEMBRO SANG LGBTQ, PATAY SANG GINTIRO SA SULOD SANG BALAY

April 29, 2024

Patay ang myembro sang LGBTQ Community matapos ginluthang sang wala pa makilala nga persona sa sulod sang iya puluy-an sa Purok Boulevard, Brgy.14 syudad sang Bacolod las 7:30 sang gab-i, Lunes, Abril 29.


Ginkilala ang biktima sa kay Babes Gonzales, 24 anyos, may live-in partner kag residente sa nasambit nga lugar.


Suno kay Police Major Elmer Bonilla, hepe sang Police Station 1, nasapwan na lamang sang iya iloy ang biktima nga nagahamyangon sa sulod sang ila puluy-an kag wala na sang kabuhi.


Dugang pa ni Bonilla, duha ka igo sa ulo kag isa sa abaga ang naangkon ni Gonzales matapos ginluthang gamit ang kalibre 45 nga armas luthang sang suspetsado nga gin alegar nakasuksuk sang bonnet sang ginhimo ang krimen.

Wala sang record sa kapulisan si Gonzales rason nga may kabudlayan ang otoridad sa pag establisar sa motibo sang pagpatay.

Nagalaom si Bonilla nga magkooperar ang pamilya ni Gonzales kag mga residente sa lugar para sa madasig nga imbestigasyon sang kaso.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.