Magabisita sa syudad sang Bacolod ang mga kandidato sa pagkasenador sang Hugpong ng Pagbabago ukon HNP kag ini ang pangunahan ni Davao City Mayor Sara Duterte.
Sa Marso 25 ang tentative nga petsa sa pagpadulong sang HNP candidates sa syudad.
Suno kay Bacolod Mayor Evelio Leonardia, ini sa karon ang gina preparahan sang syudad kag padayon ang ila pagpakig-angut sa talatapan ni Mayor Sara.
Dugang pa ni Leonardia, ang ini nga aktibidad ang ginpangabay ni Mayor Sara sa iya sang ini ang nagbisita sa MassKara Festival sang Oktubre 2018.
Si Leonardia ang aktibo nga myembro sang Nationalist People’s Coalition ukon NPC.
Ang HNP ang nagpakig-alyansa sa tatlo ka mga national parties lakip na ang NPC, Nacionalista Party (NP),kag National Unity Party (NUP).
Samtang, ginpahayag man ni Leonardia nga nagapakig-angut man ini sa talatapan ni Congressman Greg Gasataya angut sa pagbisita ni Presidente Rodrigo Duterte sa Negros Occidental sa maabot nga Marso 8. | Aksyon Dale Salazar