Plano sang lokal nga panguluhan sa Bacolod nga magdihon sang isa ka memorandum of agreement upod sa isa ka hospital nga amo ang maga bulig para sa pag proseso sang convalescent plasma nga tuyo kolektahon sang syudad gikan sa mga covid patient nga naka recover sa COVID 19.
Suno kay City Adminstrator kag Emergency Operation Center Executive Director Em Ang, ini nga lihok ang naga tuyo nga maka angkon man sang kaugalingon nga pondo sang blood plasma ang syudad para sa mga pasyente nga nalatnan sang virus.
Dugang pa ni Ang, ila na sa karon gina porma ang listahan sang mga indibidwal nga gina konsiderar bilang mga potential donor sang convalescent plasma nga iya gin tawag nga COVID champion.
Sa pihak nga bahin, gin pasalamatan man sang opisyal ang ika tatlo na nga batch sang convalescent plasma nga gin donar sang DOH Region 7 kahapon nga adlaw.
