MENU

CLO, NAGSABAT SA NAGA KWESTYON SA MANOKAN COUNTRY REDEVELOPMENT PROJECT

  • at 5:49 pm
Share on facebook
Share on pinterest
Share on twitter
Share on print

Wala sang may nakit-an problema legal si Bacolod City Legal Officer Atty. Romeo Carlos Ting Jr. sa redevelopment project sang Manokan Country.

Nagpagwa sang apat ka pahina nga legal opinion si Ting matapos nga nagpadala sang reklamo si Roger Reyes, Vice President sang Task Force Kasanag, nga naga kwestyon sa legalidad sang lease agreeement sa tunga sang LGU kag SM Prime Holdings Inc.

Ginpahayag ni Ting, ang reklamo ang ginsumiter sa SM kag ini ang gintugyan sa LGU.

Ginpahayag ni Ting, legal ang 40 ka tuig nga pag renta sang SM sa Manokan nga kabahin sang public market sang LGU base man sa ordinansa kag wala man ini gin deklarar nga heritage site.

Ini matapos ginakwestyon sang tagreklamo nga tubtob lamang 25 ka tuig ang lease agreement para mangin constitutional.

Suno kay Ting, kon basehan ang layi, tubtob 90 ka tuig ginatugutan ang pag renta sang propedad sang gobyerno.

Ginpaathag pa ni Ting, ang chicken inasal amo ang gindeklarar nga cultural property sang syudad kag indi ang Manokan Country.

What’s your Reaction?
+1
0
+1
0
+1
0
+1
0
+1
0
+1
0
+1
0

KAHERA SA BTAO NGA GINAKUSAR NAG RETOKE SANG RESIBO, NAG RESIGN

April 29, 2024

Nag resign na ang kahera sang City Treasurer’s Office nga assign sa Bacolod Traffic Authority Office nga gin akusar nga nag retoke sang resibo sang traffic violator.

Sa press conference, ginpahayag ni City Legal Officer Atty. Romeo Carlos Ting Jr., nagligad nga Biernes, Abril 26, nag sumiter sang resignation ang regular nga empleyado.

Bangud sini, indi na mapatuman ang plano nga pag isyu sang show cause order kag preventive suspension batuk sa empleyado.

Suno kay Ting, base sa paathag nga ginsumiter sang kahera sa iya department head, nag brownout sang gin proseso ang bayad sang traffic violator rason nga iya ini gin ballpen.

Ginpahayag ni Ting, nga ginpanginwala man sang kahera ang mga alegasyon batuk sa iya.

Suno kay Ting, abswelto sa kaso administratibo ang kahera matapos nagresign.

Suno pa kay Ting, may dugang nga duha ka resibo nga ginakwestyon man sa karon batuk man sa gihapon sang kahera.

Pero ginakonsiderar ni Mayor Albee Benitez ang pagpasaka sang kaso kriminal batuk sa ginareklamo nga kahera.

What’s your Reaction?
+1
1
+1
0
+1
0
+1
0
+1
0
+1
0
+1
0

BANGKAY, NASAPWAN SA KILID SANG BAYBAY SA BAGO CITY

April 29, 2024

Nasapwan ang bangkay sang isa ka lalaki sa kilid sang baybay sa Purok Rosas Pandan, Barangay Poblacion, syudad sang Bago las 7 sang aga, Lunes (Abril 29).

Suno kay Police Senior Master Sergeant Anthony Luto, Duty Investigator sang Bago City PNP, nakit-an sang mga mananagat nga nagapanglakaton sa kilid sang baybay ang bangkay.

Pagpahayag ni Luto, nagakaagnas na ang bangkay kag ginasuspetsuhan sinimana na sang nagtaliwan.

May suksok nga pula nga bayo ang lalaki kag puti nga short.
Ang bangkay ang yara karun sa Baxter Funeral Homes kag wala pa makilal-an.

Sa piyak nga bahin, ginpahayag ni Luto nga wala sang pilas nga nakita sa lawas sang napatay.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.