Ginmando sang gobyerno probinsiyal sa Officer-in-charge (OIC) Provincial Health Officer (PHO) nga si Dr. Ma. Girlie Pinongan nga tutukan ang mga programa agud matapna ang mga masakit sa kabarangayan kag pagresulbar sa malnutrisyon sa Negros Occidental.
Ini ang ginpahayag ni Provincial Administrator Atty. Rayfrando Diaz, sa pagdesignar kay Pinongan bilang OIC sang PHO umpisa Abril 3, 2023.
Suno kay Diaz, si Pinongan ang magapabilin man bilang pamuno sang Hospital Operations Department (HOD) samtang nagaserbe bilang OIC Provincial Health Officer.
Sa Office Order ni Governor Bong Lacson, si Pinongan ang magabulos kay Tumimbang nga natalana na nga magaretiro sa bulan sang Hunyo.
Dugang pa ni Diaz nga sa pagbiya ni Tumimbang, pagabuksan sa gusto mag apply ang posisyon nga Provincial Health Officer, pilian sang selection board kag pagadesisyonan ni Governor Lacson. | Aksyon Marlon Genovea