Nagnubo sang 54.5 porsyento ang narekord nga krimen sang Bacolod City Police Station 7 sa mga lugar nga ila nasakupan.
Suno kay Police Captain Andy Ofalia, hepe sang Police Station 7 sa bulan sang Abril nakarekord sila sang 11 ka krimen samtang anum naman sa bulan sang Mayo.
Dugang pa ni Ofalia nga sa sulod sang isa ka semana, halin Hunyo 7 tubtob 14, nadakpan ang apat ka persona bangud sa ilegal nga pagpanahor, isa ka most wanted person kag isa ka other wanted person.
Nakumpiskar man ang masobra 45,000 pesos nga balor sang ilegal nga droga.
Bilang tikang nga mapanubo pa ang krimen, nagapadayon ang checkpoints, Police visibility kag pag-monitor sang Intel Operatives sa mga persona nga nagaintra sa ilegal nga buluhaton. | Aksyon Zil Menardo
What’s your Reaction?
+1
+1
+1
+1
+1
+1
+1
