Mangin voluntary ang pagsuksok sang facemask sa mga estudyante, manunudlo kag ginikanan nga nagakadto sa mga pampubliko nga buluthuan.
Ini suno kay Lila Vaflor Arro, spokesperson sang Division of Bacolod matapos nabaton ang resolusyon sang Sangguniang Panlungsod nga nagapangabay sa pagbalik sa pagsuksok sang facemask bangud sa pamahog sang pertussis.
Ginpahayag ni Arro, magapagwa sila sang division memorandum nga nagapangabay sa pagsuksok sang face mask pero voluntary, bangud ini ang nabase sa existing nga health protocol sang Department of Education.
Suno kay Arro, wala sila sang may namonitor nga estudyante nga may suspected pertussis ilabi na nga masami karon nga gina suspend ang face-to-face classes bangud sa tuman ka init nga panahon.
Sa record sang Bacolod City Health Office, may tatlo ka kumpirmado nga kaso sang pertussis ang Bacolod samtang may pila pa ka samples ang pending ang resulta sa RITM.