May 4, 2024
Natupok sang kalayo ang duha ka mga puloy-an sa sunog sa barangay Poblacion, Banwa sang Cauayan alas 8:58 kaina sang aga, Mayo 4.
Suno kay Fire Officer 1 Junel Bacay, Fire Arson investigator sang BFP Cauayan, ang mga balay lunsay himo sa mga light materials nga ginapanag-iyahan nanday Dionesa Villar kag Helen Diocson.
Dugang pa ni Bacay, sa amo nga insidente, totally destroyed ang puloy-an ni Villar samtang partially damaged naman ang balay ni Diocson.
Ginpahayag man ni Bacay nga wala sang napilasan sa sunog samtang nagdangat naman sa 42 mil ka pesos ang nangin kahalitan sang kalayo.
Sa karon nagapadayon pa ang imbestigasyon sang BFP sa gintunaan sang kalayo.