MENU

TINDERA PATAY MATAPOS GIN BUNO SANG CUSTOMER

  • at 5:29 pm
Share on facebook
Share on pinterest
Share on twitter
Share on print

Patay ang 50 anyos nga tindera sang tiange, matapos ginbuno sang manugbakal sa Hacienda Vista 1, Barangay Matab-ang, syudad sang Talisay sadtong Domingo sang las 7 sang gab-i.

Ang napatay ginkilala kay Evelyn Tamayo, samtang ang suspetsado ang ginkilala naman kay Jason Abella, 21 anyos tanan nagapuyo sa amo man nga lugar.

Sa pagpangusisa sang Talisay PNP, nagabakal sang wisky ukon ilimnon si Abella, apang hinali lang ini naakig kag ginbuno si Tamayo sa wala mahibaluan nga rasun.

Naka-angkon sang pilas sa liog ang biktima nga amo ang gintunaan sang iya kamatayon.

Padayon pa ang imbestigasyon sang kapulisan sa motibo sang krimen. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

PROBLEMA KAG SOLUSYON SA KURYENTE GINTALAKAY SA POWER SUMMIT

May 3, 2024

Ginklaro ni Negros Occidental Governor Bong Lacson nga natumod na sang gobyerno probinsiyal ang mga problema may kaangtanan sa power situation sa probinsiya, kay ginapangitaan na lamang sang solusyon.

Sa Provincial Stakeholders’ Consultative Power Summit sa Sanctuario de La Salle syudad sang Bacolod, ginpahayag ni Lacson nga ginatinguhaan sang probinsiya kun paano malikawan ang mga unscheduled power interruptions, kag masolusyonan ang pagmahal sa ginakonsumo nga elektrisidad.

Gin-anunsyo sang gobernador ang Renewable Energy Week sa kada Mayo 20 tubtub 24 sang tuig, sa diin magapresentar sang ila plano ang mga financiers sa renewable energy providers.

Dugang pa ni Lacson, handa man nga mag-finance sa prpyekto may kaangtanan sa renewable energy ang Banco De Oro (BDO).

Una nga ginlansar sang gobyerno probinsiyal ang SecuRE Negros, isa ka multi-stakeholder-whole-of-society approach, nga maga-develop sang roadmap para sa renewable energy development sa probinsiya. | Capitol PIO Photos

What’s your Reaction?
+1
0
+1
0
+1
0
+1
0
+1
0
+1
0
+1
0

DEMISANA NAG RESIGN BILANG HEAD SANG CLO ENFORCEMENT TEAM

May 3, 2024

Nag-resign si Rey Demisana bilang head sang City Legal Office Enforcement Team epektibo nagligad nga Abril 29, 2024.

Ginpahayag ni Demisana, madamo ini sang ulubrahon sa Bacolod City College nga naga serbe bilang board secretary halin 2015 kag iya ini nga pagatutukan. Nagbalik si Demisana bilang head sang enforcement team sang nag umpisa ang Benitez administration.

Ginpahayag ni Demisana, madugay na ini luyag mag resign pero wala madayon bangud madamo sang kinahanglan nga trabahuon.

Nagalaum si Demisana nga ang magabulos sa iya ang makapatuman sang bag-o nga polisa kag reporma sa enforcement team.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.