Nagdangat na sa 197 ang nagpositibo sa Covid-19 nga miyembro sang Negros Occidental Police Provincial Office ukon NOCPPO.
Suno kay NOCPPO Deputy Spokesperson PLt Abegael Donasco, 14 sa ila ang aktibo apang mga asymptomatic.
Liwat nga nagpanugyan si Donasco sa kapulisan kag pumoloyo nga maghalong, ilabi nagid sining ginakakulbaan nga delta variant. | Aksyon Bryan Morden
Nag-isa ang Department of Social Welfare and Development (DSWD) kag Department of Labor and Employment (DOLE) Field Office VI, agud buligan ang mga pamilya nga apektado sang El Niño sa Western Visayas.
Ini paagi sa Project Local Adaptation to Water Access (LAWA) kag Breaking Insufficiency through Nutritious Harvest for the Impoverished (BINHI).
Ang partnership ginpatigayon sa initial meeting sang DSWD kag DOLE Region 6. Sa idalom sang amo nga programa, ang DOLE paagi sa Tulong Panghanapbuhay sa Ating Disadvantaged/Displaced Workers (TUPAD) Program, ang magapain sang P159.3 milyones pesos agud pondohan ang dugang nga 16,600 ka partner beneficiaries sa implementasyon sang Project LAWA kag BINHI.
Ang 16,600 ka mga partner beneficiaries ang hatagan sang nagakaigo nga resources sang DOLE, kag trabaho sa sulod sang 20 ka adlaw paagi sa Cash-for Work.
Samtang ang DSWD ang magahatag naman sang technical assistance sa project implementation.
Pilason ang 35 anyos nga lalaki matapos nabunggo-an sang naglapaw nga container van sa national highway sa Barangay Taloc, Bago City samtang nagakatulog ini sa sulod sang iya vulcanizing shop, mga las 10 sang aga, Mayo 7.
Ginkilala kay Rodel Cabanhaw, residente sang Capiz samtang ang driver naman sang container van ginkilala kay Vicente Maano, 44 anyos, residente sa syudad sang Sagay.
Base sa report sang Bago City PNP, gikan sa syudad sang Kabankalan ang container van nga kargado sang 20 ka tonelada nga kalamay kag padulong sa BREDCO port sang hinali nalang nga napatay ang makina sang salakyan.
Dugang pa, gin-agaw sang isa ka salakyan ang linya sang container van rason nga naalang-alang sa pagcontrol sang salakyan si Maano kag nabuslog sa vulcanizing shop.
Ginhingagaw naman dala sa ospital si Vabanhaw samtang yara sa kustodiya sang Bago PNP si Maano.
