Ginpangunahan ni Bureau of Fire 6 Director Senior Supt. Jerry Candido ang formal turn-over ceremony sa tunga nanday Chief Insp. Rodel Legaspi bilang bag-o nga hepe sang Bacolod City Central Fire station matapos ginbuslan sini si Chief Inspector Publio Ploteña.
Suno kay Candido, ginsaylo bilang bag-o nga Iloilo Provincial Fire Marshall si Ploteña.
Nagalaum si Candido nga mas magaayo pa ang performance ni Ploteña sa bag-o sini nga obligasyon.
Sa nahibaluan, antes ang iya bag o nga assignment, nagserbi si Ploteña bilang Bacolod City Fire Marshall kag Caretaker sang BFP-Negros Occidental.
Ginpasalamatan Ploteña si Bacolod Mayor Evelio Leonardia kag BFP –Bacolod sa suporta kag pagsalig sa iya.
Ginpahayag ni Ploteña nga isa ka dako nga sakripisyo nga mapahilayo sa iya pamilya apang ginakabig sini nga hangkat sa iya abilidad ang bag o nga assignment.
Dugang pa ni Ploteña, parte na ini sa iya ‘carrer progression’ sa handom nga magasaka ang iya ranggo.
Subongman, ginpasalamatan ni Ploteña si Candido sa pagsalig sang iya ikasarang. | Aksyon Alvin Grava